امەريكالىق مۋزىكانتتار ابايدىڭ ءانىن ورىندادى
مۇحيت اسىپ كەلگەن «حامين حاۋس فولك» توبى قازاقتىڭ دانىشپان اقىنىنىڭ ايگىلى «ايتتىم سالەم، قالامقاس» شىعارماسىن جەرگىلىكتى مۋزىكا كوللەدجى ستۋدەنتتەرىمەن بىرگە شىرقادى. مۇنان وزگە اعىلشىن تىلىندەگى تۋىندىلار دا كوپشىلىكتىڭ كوڭىلىنەن شىقتى.
توپتىڭ كونسەرتى قازاقستانداعى ا ق ش ەلشىلىگىنىڭ «شەتەلدەگى امەريكاندىق مۋزىكا» باعدارلاماسى اياسىندا ۇيىمداستىرىلىپ وتىر. «ماقساتىمىز - ءوزارا مادەني ىنتىماقتاستىقتى نىعايتۋ»، - دەيدى ەلشىلىك قىزمەتكەرلەرى.
«نەگىزى بۇل كىسىلەردىڭ كونسەرتى ەلىمىزدىڭ استانا جانە الماتى قالالارىندا عانا جوسپارلانعان بولاتىن. ءبىراق قالالىق مادەنيەت ءبولىمى قازىر ا ق ش ەلشىلىگىمەن تىعىز بايلانىس ورناتىپ، جاز ۋاقىتىندا حالىققا 2 توپتى اكەلىپ، تاعى تاماشا كونسەرتتەر ۇيىمداستىرماق نيەتتەمىز»، - دەيدى سەمەي قالالىق مادەنيەت جانە تىلدەردى دامىتۋ ءبولىمىنىڭ جەتەكشىسى نازەركە اققوجينا.
فوتو: 24.kz
