08:20, 26 - اقپان 2018 | GMT +6
رەسپۋبليكانىڭ باسىم بولىگىنە تۇمان تۇسەدى - قازگيدرومەت
استانا. قازاقپارات - «قازگيدرومەت» ر م ك 26 -اقپانعا ارنالعان اۋا رايى بولجامىن ۇسىنادى، دەپ حابارلايدى قازاقپارات.
اتموسفەرالىق اۋا اعىنداردىڭ وتۋىنە بايلانىستى قازاقستاننىڭ باسىم بولىگىندە تۇراقسىز اۋا رايى ساقتالادى، تەك رەسپۋبليكانىڭ وڭتۇستىك- شىعىسىندا، ورتالىعىندا جانە شىعىسىندا جاۋىن- شاشىنسىز اۋا رايى كۇتىلەدى.
ەلدىڭ كەي جەرلەرىندە جەل كۇشەيەدى، جاياۋ بۇرقاسىن سوعىپ، باتىسىندا، وڭتۇستىگىندە جانە وڭتۇستىك- شىعىسىندا كوكتايعاق بولادى. رەسپۋبليكانىڭ باسىم بولىگىندە تۇمان ساقتالادى.
الماتى، جامبىل، وڭتۇستىك قازاقستان، قىزىلوردا وبلىستارىنىڭ كەي جەرلەرىندە تۇمان ءتۇسىپ، جەلدىڭ جىلدامدىعى 25 م/س كۇشەيەدى.
جامبىل، اتىراۋ، قىزىلوردا وبلىستارىنىڭ كەي جەرلەرىندە كوكتايعاق بولادى.
اقتوبە، اقمولا، باتىس قازاقستان، قوستاناي، ماڭعىستاۋ، سولتۇستىك قازاقستان، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە تۇمان بولىپ، بۇرقاسىن بولۋى ىقتيمال.