قىتاي ءتوراعاسىنىڭ بيلىكتە وتىرۋ مەرزىمىن شەكتەۋ الىنىپ تاستالۋى مۇمكىن

بەيجىڭ. قازاقپارات - قىتاي كوممۋنيستىك پارتياسىنىڭ ورتالىق كوميتەتى ەلدىڭ كونستيتۋتسياسىنا وزگەرىستەر ەنگىزۋ جونىندەگى ۇسىنىستاردى جاريا ەتتى، دەپ حابارلايدى «قازاقپارات» ح ا ا قىتايداعى مەنشىكتى ءتىلشىسى.

وسى جىلدىڭ 26 -قاڭتارىندا قابىلدانعان قۇجاتقا سايكەس، ق ح ر نەگىزگى زاڭىنا شي جينپيڭنىڭ ق ك پ 19- سەزىندە ايتقان قىتايشا سوتسياليزم تۋرالى يدەياسى، سونداي-اق عىلىمي دامۋ تۇجىرىمداماسى، قىتاي ۇلتىنىڭ قايتا وركەندەۋىنە تالپىنىسى مەن ەكوتسيۆيليزاتسيالىق قۇرىلىس تۇسىنىكتەرى بويىنشا وزگەرىستەر ەنگىزىلمەك.

قىتايشا سوتسياليزمدى سيپاتتايتىن كونستيتۋتسيانىڭ 1-بابى ق ك پ جەتەكشىلىك ءرولى دەپ اتالادى.

ۇسىنىلىپ وتىرعان تۇزەتۋلەر مەملەكەتتىك قىزمەتشىلەردىڭ ەلدىڭ كونستيتۋتسياسى الدىندا ادالدىعى تۋرالى حالىق الدىندا انت قابىلداۋىن، سونداي-اق قاداعالاۋ جونىندەگى ۇلتتىق كوميسسيانى ق ح ر مەملەكەتتىك ورگاندارىنا قوسۋدى كوزدەيدى.

قىتاي زاڭناماسىنا ۇسىنىلىپ وتىرعان نەگىزگى تۇزەتۋلەردىڭ ءبىرى كونستيتۋتسيانىڭ 79-بابى 3-ابزاتسىن، ياعني ق ح ر ءتوراعاسى مەن ءتوراعا ورىنباسارى ءۇشىن ەكى رەت قاتارىنان سايلانۋىن شەكتەۋ بولىپ تابىلادى. بۇل وزگەرىس ق ح ر كوشباسشىسى شي جينپيڭگە ءوزىنىڭ وكىلەتتىلىگى اياقتالاتىن 2023 -جىلدان كەيىن دە ەلدى باسقارۋعا مۇمكىندىك بەرەدى.

 

فوتو: سينحۋا