پاۆلوداردا ەڭ تالانتتى ستۋدەنت انىقتالدى
جەڭىمپاز اتانۋ ءۇشىن پاۆلودار قالاسىنداعى ءۇش جوعارى وقۋ ورنىنىڭ 16 ستۋدەنتى بارىن سالدى. شىعارماشىل جاستار بىرنەشە جانر بويىنشا باقتارىن سىنادى.
ءبىرى اسپاپتا ويناپ، ءان ايتسا، ەكىنشىلەرى ولەڭ وقىپ، ءبي قابىلەتتەرىن ورتاعا سالدى. جاستار قويىلىم ارقىلى كورەرمەندەردى ءتانتى ەتتى.
قازىلار القاسى بايقاۋعا قاتىسۋشىلاردىڭ جوعارى كاسىبي دەڭگەيىن اتاپ ءوتتى.
بايقاۋدىڭ باس جۇلدەسىن س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ ستۋدەنتى يۋريي رىبالكو قانجىعاسىنا بايلادى. دارىندى ازامات تانىمال «اداجيو» ءانىن ورىندادى.
يۋري رىبالكونىڭ ورىنداۋىناعى انگە «كاپريز» ءبي ۇجىمى ەرەكشە كورىك بەردى. شىعارماشىلىق توپ مۇشەلەرى دە بيىك بەلەستەن كورىندى. ال «تۆينگل» ۇجىمىنىڭ بيشىلەرى ەكىنشى ورىندى ەنشىلەسە، ەراسىل كەنجەحانوۆتىڭ ۆوكالدىق نومەرى ءۇشىنشى ورىنعا يە بولدى.
