يتاليادا مەدبيكەلەر ەرەۋىلگە شىقتى

None
None
استانا. قازاقپارات - تاۋلىك بويى ەلدەگى اۋرۋحانالاردىڭ ەمدەۋ بولىمدەرى مەن وپەراتسيالىق بولمەلەرى جابىق تۇردى.

فەلدشەرلەر مەن اكۋشەرلەردى قوسقاندا بارلىعى 200 مىڭ ادام نارازىلىققا شىققان. اكسيانى تولاسسىز جاۋعان جاۋىن دا توقتاتا المادى. ورتالىق الاڭعا جينالعان ماماندار 9 جىلدا العاش رەت قايتا قارالعان جاڭا ۇجىمدىق ەڭبەك شارتىنا كوڭىلدەرى تولماي وتىر. نارازىلىقتىڭ نەگىزگى سەبەپتەرى دە وسى. تومەن جالاقى، ىڭعايسىز كەستە جانە الەۋمەتتىك قامسىزداندىرۋ.

مەدبيكەلەر دەمالىس ۋاقىتىنىڭ سانىن كوبەيتۋدى، تۇنگى جۇمىس كەستەسىنە تولەمنىڭ كولەمىن ارتتىرۋدى جانە جاڭا قىزمەتكەرلەردى الۋدى تالاپ ەتىپ وتىر. بۇگىندە ەكونوميكالىق ىنتىماقتاستىق جانە دامۋ ۇيىمىنىڭ مالىمەتىنە ساي، يتاليادا 70 مىڭعا جۋىق مەدبيكە جەتىسپەيدى. سەبەبى ەكونوميكالىق داعدارىس جانە كوپتەگەن بيۋدجەتتىك قىسقارتۋدان يتالياندىق دەنساۋلىق ساقتاۋ جۇيەسى ايتارلىقتاي قۇلدىراپ جاتىر.

فاۋستا پيلەري، يتاليا مەديتسينالىق قىزمەتكەرلەر كاسىپوداعىنىڭ وكىلى:

- جۇرت ەلدىڭ دەنساۋلىق ساقتاۋ جۇيەسى جۇمىس ىستەپ تۇرسا بولدى، باستىسى سول دەپ ويلايدى. ءبىراق شىدامنىڭ دا شەگى بار عوي. ەگەر بارلىعى جاقسى بولسا، ءبىز مۇنداي نوسەردىڭ استىندا تۇرماس ەدىك. يتاليانىڭ تۇكپىر- تۇكپىرىنەن مىڭداعان مەدبيكە مەن اكۋشەر جينالماس ەدى.

ساندرو نۋۆولي، مەديتسينا سالاسىنىڭ قىزمەتكەرى:

- ەگەر دارىگەرلەر جۇمىسىن ءوز دەڭگەيىندە ىستەي الماسا، ول ەمدەلۋشىلەرگە اسەر ەتەدى. ال بىزدە جالاقى تومەن، جۇمىس كەستەسى دە ىڭعايسىز. مۇنداي جاعدايدا جۇمىس ىستەگەن مامان قالاي ساپالى مەديتسينالىق كومەك كورسەتە الادى؟

http://24.kz/kz

سوڭعى جاڭالىقتار