قازاقستاننىڭ فۋتبولدان جاسوسپىرىمدەر قۇراماسى رۋمىنيالىقتاردى ويسىراتا جەڭدى
بۇل جولى قازاقستاندىق جاسوسپىرىمدەر رۋمىنيالىق «اكادەميا» (بۋحارەست) كلۋبىنا قارسى وينادى، دەپ حابارلانعان قازاقستان فۋتبول فەدەراتسياسىنىڭ سايتىندا.
الەكساندر كۋزنەتسوۆتىڭ تالىمگەرلەرى ماتچ بويىنا الاڭدا باسىمدىق تانىتتى. ويىن باسىندا، ياعني 7 مينۋتتا ەسەپتى رۋمىنيالىقتار پەنالتي كەزىندە اشتى. قازاقستاندىقتار بولسا، ءبىرىنشى تايمنىڭ 43- مينۋتىندا ەسە قايتاردى. ماكسيم ۆاگانوۆ باعىتتاعان دوپ قارسىلاستاردىڭ قاقپاسىنان تابىلدى. ماكسيم ويىننىڭ ءبىرىنشى جارتىسىنا قوسىمشا بەرىلگەن ۋاقىتتا تاعى دا مەرگەندىگىمەن تانىلدى.
ەكىنشى تايمدا قازاقستاندىقتار تاعى ەكى دوپتى رۋمىنيالىقتاردىڭ قاقپاسىنا سۇڭگىتىپ ۇلگەردى. الدىمەن ويىننىڭ 72 مينۋتىندا رەسەيدىڭ «توسنو» كومانداسىنىڭ فورۆاردى دانيل چەرنىي قاقپانى ءدال كوزدەسە، 83 مينۋتتا ارىستان مۇقاشيەۆ قارسىلاستاردىڭ قاقپاسىنان ساڭىلاۋ تاپتى.
وسىلايشا، قازاقستاندىقتار تۇركياداعى وقۋ- جاتتىعۋ جيىنىندا قاتارىنان ەكىنشى رەت جەڭىسكە جەتتى. وسىعان دەيىن ولار دانيالىق «كيەگە» كلۋبىن تىزە بۇكتىرگەن بولاتىن.
قازاقستان U19 - «اكادەميا» (بۋحارەست، رۋمىنيا) - 4:1 (2:1)؛
اۋدارما: ايدار وسپاناليەۆ
