قازاقستاننىڭ ميلليونەرى: مەكتەپ وقۋشىسى قانداي جوبانى ىسكە اسىردى
وسى ورايدا قاتىسۋشىلار ميلليونەر اتانعان مەكتەپ وقۋشىسىن دا ەسكە الدى، دەپ حابارلايدى قازاقپارات ءتىلشىسى.
«جاقىندا نازاربايەۆ زياتكەرلىك مەكتەبىنىڭ وقۋشىسى يۆان كرەپاك «نۇر ينتەح» بايقاۋىنىڭ جەڭىمپازى اتاندى. ونىڭ شاعىن عانا جوباسى ءۇش ايدىڭ ىشىندە 7000000 تەڭگەنىڭ ICO- سىن جينادى. مەكتەپ وقۋشىسى ءۇشىن بۇل - ۇلكەن جەتىستىك. ال ونىڭ ويلاپ تاپقان ستارتاپى نەسىمەن ەرەكشەلەنەدى؟ ارنايى موبيلدى قوسىمشادا حالىقارالىق جانە رەسپۋبليكالىق وليمپيادالار تۋرالى اقپارات جيناقتالادى. بۇگىندە اتالعان قوسىمشا ستۋدەنتتەر مەن وقۋشىلار اراسىندا جوعارى سۇرانىسقا يە. مەنىڭشە، وسىنداي جوبالاردى كەز كەلگەن سالادا ىسكە اسىرۋعا بولادى»، - دەيدى «نۇر وتان» پارتياسىنىڭ حاتشىسى فارحاد قۋانعانوۆ.
ونىڭ ايتۋىنشا، بۇگىندە مۇنايدىڭ ارقاسىندا مەملەكەتتى دامىتۋ زامانى ارتتا قالدى. قازاقستان ەكونوميكاسىنىڭ كاپيتاليزاتسياسى ا ق ش- تىڭ اقپاراتتىق تەحنولوگيالار سالاسىنداعى العاشقى ءۇش كومپانياسىنىڭ اقشا اينالىمىنا دا جەتپەيدى. وسىنىڭ ءوزى سيفرلىق تەحنولوگيالاردىڭ باسىمدىعىن كورسەتسە كەرەك.
«2013 -جىلى رەسەيدە سيفرلىق تەحنولوگيالاردىڭ ءدۇمپۋى بايقالدى. سەبەبى سالىق جاعىنان جاقسى جەڭىلدىكتەر جاسالدى. مەنىڭشە، ءبىز دە وسى ىسپەتتى شارالاردى قولعا الۋىمىز قاجەت»، - دەپ اتاپ كورسەتتى ف. قۋانعانوۆ.
ايتا كەتەيىك، Astana Innovation Challendge جوباسى اياسىنداعى كەزدەسۋگە ق ر پرەمەر-ءمينيسترىنىڭ ورىنباسارى اسقار جۇماعالييەۆ تە قاتىسىپ، جاس يننوۆاتورلارعا ءوز كەڭەسىن بەردى.
ال استانا قالاسىنىڭ اكىمى اسەت يسەكەشيەۆ «اقىلدى پيك» جۇيەسىن ەنگىزۋدى كوزدەيدى.
بولاشاقتا جىلجىمايتىن مۇلىك بويىنشا ءبىرىڭعاي ينتەللەكتۋالدى جۇيەنى ەنگىزۋ جوسپارلانعان.
