وليمپيادانىڭ جابىلۋ راسىمىندە كوپتەگەن قىزىقتى شوۋلار ۇيىمداستىرىلاتىن بولدى

None
None
پحەنچحان. قازاقپارات - وڭتۇستىك كورەيانىڭ پحەنچحان قالاسىندا ءوتىپ جاتقان 23- قىسقى وليمپيادا ويىندارىنىڭ جابىلۋ ءراسىمىن «حابار» ارناسى تىكەلەي ەفيردە كورسەتەدى، دەپ حابارلايدى قازاقپارات تەلەارنا سايتىنا سىلتەمە جاساپ.

25 -اقپان كۇنى استانا ۋاقىتىمەن ساعات 17.00-دە «حابار» تەلەارناسى پحەنچحان قالاسىنداعى اق وليمپيادانىڭ جابىلۋ سالتاناتىن تىكەلەي ەفيردەن كورسەتەدى. XXIII قىسقى وليمپيادا ويىندارىنىڭ ۇيىمداستىرۋشىلارى اتالمىش كەشتە ءداستۇرلى جانە زاماناۋي مادەنيەتتى ءبىر ارنادا توعىستىرادى. وليمپيادا جانكۇيەرلەرى وڭتۇستىك كورەيانىڭ تانىمال رەپ- ورىنداۋشى CL (سي ەل) جانە EXO (ەكزو) توبىنىڭ ونەرىن تاماشالايدى.

سونىمەن قاتار اشىلۋ سالتاناتىندا ەستە قالعان «جارقىراۋشى درونداردىڭ» كومەگىمەن كەرەمەت شوۋ قويىلادى دەپ جوسپارلانۋدا.

جابىلۋ سالتاناتىندا تۋ كوتەرۋشىلەر مەن سپورتشىلار شەرۋى، بارلىق قاتىسۋشى مەملەكەتتەردىڭ دوستىق پەن بىرلىكتىڭ سيمۆولى ىسپەتتەس ءبىر باعىتتا ءجۇرىپ ءوتۋى، ءۇش مەملەكەت گرەكيا، وڭتۇستىك كورەيا (2018 -جىلعى ويىنداردى وتكىزگەن ەل رەتىندە) جانە قىتايدىڭ (كەلەسى ويىنداردى قابىلداۋشى ەل رەتىندە) تۋلارىنىڭ كوتەرىلۋى، وڭتۇستىك كورەيا، گرەكيا جانە وليمپيادا ويىندارىنىڭ ءانۇرانىنىڭ شىرقالۋى، سونداي-اق وليمپيادا جالاۋىن پحەنچحان قالاسىنىڭ مەرى توماس باحقا، ال ول بەيجىڭ قالاسىنىڭ باسشىسىنا بەرۋى جانە وليمپيادا الاۋىنىڭ ءسونۋى سىندى ءداستۇرلى ەلەمەنتتەر بولادى. كوپ جىلدىق ءداستۇر بويىنشا جابىلۋ سالتاناتىندا شاڭعى مارافونىنىڭ جەڭىمپازدارىنا مەدالدار جيىنتىعى تابىستالادى.

سوڭعى جاڭالىقتار