قازاقستان عارىشتىق سالانىڭ ينفراقۇرىلىمىن دامىتۋدى جالعاستىرادى

None
None
استانا. قازاقپارات - اعىمداعى جىلى ق ر ق ا ءو م ماماندارى عارىشتىق سالانىڭ ينفراقۇرىلىمدىق دامىتۋ، ۇلتتىق سپۋتنيكتىك توپتاماسىن جاڭارتۋ، ەكسپورتتىق مۇمكىندىكتەرىن كەڭەيتۋ، جوبالاردى كوممەرتسيالاۋ جۇمىستارىن جالعاستىراتىن بولادى، دەپ حابارلايدى ق ر قورعانىس جانە ايەروعارىش ونەركاسىبى مينيسترلىگىنىڭ باسپا ءسوز قىزمەتى.

بۇل تۋرالى بۇگىن ق ر قورعانىس جانە ايەروعارىش ونەركاسىبى ءمينيسترى بەيبىت اتامقۇلوۆ 2017 -جىلدىڭ قورىتىندىلارى مەن اعىمدىعى جىلعى مىندەتتەرى بويىنشا كەڭەيتىلگەن القا جينالىسى بارىسىندا ايتتى.

«بايتەرەك» جاڭا ەكولوگيالىق قاۋىپسىز عارىشتىق زىمىران كەشەنىن قۇرۋ جوباسى بويىنشا جول كارتاسىن جۇزەگە اسىرۋ، سونداي- اق «زەنيت- م» ع ز ك جەرۇستى عارىشتىق ينفراقۇرىلىم نىساندار رەسەي فەدەراتسياسى جالعا العان وبەكتىلەر قۇرامىنان شىعارىپ، ولاردى قازاقستان رەسپۋبليكاسىنا بەرۋ بويىنشا جۇمىستارى جالعاستىرىلادى.

null

«KazSat»  سپۋتنيكتىك بايلانىس جۇيەسىنىڭ جانە جەردى قاشىقتىقتان زوندتاۋ جۇيەسىنىڭ سپۋتنيكتەرى شتاتتىق رەجىمدە قىزمەت اتقارۋدا جانە ەكونوميكا، قورعانىس پەن ۇلتتىق قاۋىپسىزدىك ماسەلەلەرىنىڭ شەشۋىن تابىستى قامتاماسىز ەتۋدە.

2017 -جىلى ىشىندە «KazSat»  جۇيەسى 5 ميلليارد تەڭگەدەن استام كىرىس اكەلدى جانە شەتەل سپۋتنيكتەردىڭ رەسۋرستارىن پايدالانۋدى قىسقارتۋ ارقىلى 12 ميلليارد تەڭگە سوماسىنا يمپورت الماستىرۋدى قامتاماسىز ەتتى.

2017 -جىلى مەملەكەتتىك ورگاندار مەن ۇيىمدارىنا ج ق ز عارىشتىق جۇيەسىنىڭ كومەگىمەن جەر ءۇستىنىڭ 11,5 ميلليون شارشى كم كولەمىندە 1,2 ميلليارد تەڭگە سوماعا عارىشتىق سۋرەتتەر بەرىلدى. سونىمەن بىرگە، يمپورت الماستىرۋ 12 ميلليارد تەڭگەدەن استام قارجىنى قۇردى.

بۇدان باسقا، عارىشتىق تەحنولوگيالاردى سىرتقى نارىقتارعا ىلگەرىلەتۋ ماسەلەسىنە ايرىقشا كوڭىل بولىنەدى. باستى نازاردا كورشى ەلدەردىڭ نارىقتارى: قىرعىزستان، وزبەكستان، تاجىكستان. بۇگىنگى تاڭدا بۇل ەلدەردە ءوز عارىشتىق بايلانىس جۇيەلەرى جوق.

null

 تاياۋدا بولعان قازاقستان دەلەگاتسياسىنىڭ قىرعىزستانعا جۇمىس ساپارى بارىسىندا ىنتىماقتاستىقتىڭ ءتۇرلى باعىتتارى بويىنشا ماسەلەلەرى تالقىلاندى، سونىڭ ىشىندە قىرعىز ارىپتەستەرىنە قىرعىز رەسپۋبليكاسىنىڭ توتەنشە جاعدايلاردى الدىن الۋ مەن جويۋ ورگاندارىنىڭ مۇددەلەرىنە وراي قازاقستاندىق عارىشتىق جۇيەلەردى بىرلەسىپ پايدالانۋ جونىندە ۇسىنىس جاسالدى.

جاقىن ارادا قىرعىز رەسپۋبليكاسىمەن جاسالعان كەلىسىمدەر شەڭبەرىندە جوبالاردى جۇزەگە اسىرۋ بويىنشا جول كارتاسى ازىرلەنەتىن بولادى.

سوڭعى جاڭالىقتار