سيفرلاندىرۋ جۇمىستارىمەن كاسىبي ماماندار اينالىسۋى كەرەك

None
None
پاۆلودار. قازاقپارات - پاۆلودار وبلىسى 2022 -جىلعا قاراي مەملەكەتتىك قىزمەتتىڭ 85 پايىزىن ەلەكتروندىق فورماتتا كورسەتۋدى جوسپارلاپ وتىر، دەپ حابارلايدى «قازاقپارات» ح ا ا ءتىلشىسى وبلىس اكىمدىگىنىڭ باسپا ءسوز قىزمەتىنە سىلتەمە جاساپ.

پاۆلوداردا «سيفرلىق قازاقستان» مەملەكەتتىك باعدارلاماسىن ىسكە اسىرۋ ماسەلەلەرى تالقىلاندى. وبلىس اكىمىنىڭ ورىنباسارى مەيرام بەگەنتايەۆتىڭ ايتۋىنشا، ايماقتاعى سيفرلاندىرۋ جۇمىستارى مەملەكەتتىك باعدارلامانىڭ بارلىق باعىتتارى بويىنشا اتقارىلۋدا.

«قىزمەت كورسەتۋدى وڭتايلاندىرۋ جانە اۆتوماتتاندىرۋ قاراستىرىلعان. قازىردىڭ وزىندە ەلەكتروندى فورماتتا 38 پايىز قىزمەت كورسەتىلەدى، 2022 -جىلعا قاراي جوسپار 85 پايىزعا جەتەدى»، - دەدى ول.

 پاۆلودارداعى سيفرلاندىرۋ جۇمىستارىمەن ينۆەستيتسيا تارۋ جونىندەگى اگەنتتىك اينالىسادى. جيىنعا «زەردە» ۇلتتىق اقپاراتتىق كوممۋنيكاتسيالىق حولدينگىنىڭ وكىلى قۋات ساعاديەۆ قاتىستى. ول گيس ءبىرىڭعاي كارتاسى تۋرالى پيلوتتىق شەشىمدى ۇسىندى.

 «پاۆلودار وبلىسى «سيفرلىق قازاقستان» باعدارلاماسىن جۇزەگە اسىرۋدا كوش باستاپ تۇرعان وڭىرلەر قاتارىندا. ءبىز بارلىق سالاعا كومەك كورسەتۋگە دايىنبىز»، - دەدى ول.

 كەزدەسۋ سوڭىندا وبلىس اكىمى بولات باقاۋوۆ ەلدەگى سيفرلاندىرۋ جۇمىستارىن ايشىقتاۋدا مەملەكەتتىك قىزمەتكەرلەر الدىڭعى قاتاردان كورىنۋى كەرەك ەكەندىگى ايتتى.

«سيفرلاندىرۋ ەسكىرگەن قىزمەت كورسەتۋ جۇمىستارىن جەڭىلدەتەدى. قاعازبەن جۇرەتىن قۇجات اينالىمى كەلمەسكە كەتەدى. بۇل شەشىم قابىلداۋ جۇمىستارىن بارىنشا اشىق كورسەتەدى. سيفرلاندىرۋمەن اقشا قۋعان پىسىقتار ەمەس، ناعىز كاسىبي ماماندار اينالىسۋى كەرەك»، - دەدى اكىم.

سوڭعى جاڭالىقتار