قىتاي بيزنەسمەندەرى اقمولادا وندىرىلەتىن سۋعا قىزىعۋشىلىق تانىتىپ وتىر
بۇل تۋرالى اقمولا وبلىسىنىڭ اكىمى مالىك مىرزالين ءوڭىردىڭ 2017 -جىلعى الەۋمەتتىك- ەكونوميكالىق دامۋ قورىتىندىلارى مەن الداعى جىلعى مىندەتتەرى تۋرالى تۇرعىندار الدىندا وتكەن ەسەپتىك كەزدەسۋىندە ايتتى، دەپ حابارلايدى قازاقپارات ءتىلشىسى.
ايماق باسشىسى، ەلباسى نۇرسۇلتان نازاربايەۆتىڭ تاپسىرماسىن ورىنداۋدا اۋىل شارۋاشىلىعى جانە دايىن ءونىمى ەكسپورتى، سونداي- اق، استانا قالاسى اينالاسىندا ازىق- تۇلىك بەلدەۋىن دامىتۋ بويىنشا اقمولا وبلىسىنا ۇلكەن جاۋاپكەرشىلىك جۇكتەلىپ وتىرعاندىعىن اتاپ ءوتتى.
«ءبىز جوعارى ساپالى ازىق- تۇلىك ونىمدەرىن شىعاراتىن ءوڭىر رەتىندە وبلىستىڭ مارتەبەسىن ارتتىرۋىمىز كەرەك. بۇگىنگى تاڭدا برەند ونىمدەرىنە ىشكى نارىقتا عانا ەمەس، سىرتتا دا سۇرانىس جوعارى كاسىپورىندار بار. جالپى، وبلىستا ەت، ءسۇت، جۇمىرتقا، وسىمدىك مايىن، بالمۇزداق جانە ۇن ونىمدەرىن وڭىرلىك برەندپەن ساۋداعا 80 ەكسپورتتاۋشى كومپانيا بار.
مەنىڭ جۇمىس ساپارىم بارىسىندا قىتاي بيزنەسمەندەرى «كوكشەتاۋ مينەرالدى سۋلارى» ا ق ونىمدەرىنە قىزىعۋشىلىق تانىتىپ، ءوز ەلدەرىنىڭ گونكونگ جانە گۋاڭدۋڭ وڭتۇستىك پروۆينتسياسىندا ساۋدا- ساتتىق بويىنشا ارىپتەس بولۋعا نيەت تانىتتى» ، - دەدى وبلىس اكىمى.
ەسكە سالا كەتەيىك، 2017 -جىلدىڭ 11 ايىندا اقمولا وبلىسىنىڭ سىرتقى ساۋدا اينالىمىنىڭ كولەمى 800,5 ميلليون ا ق ش دوللارىن قۇرادى، ەكسپورت - 295,2 ميلليون ا ق ش دوللار، 31,7 پايىزدان استامى، ياعني 93,6 ميلليون ا ق ش دوللارى وڭدەلگەن تاۋارلار ەكسپورتىنا كەلەدى.
ەكسپورتتىڭ باستى باعىتتارى - رەسەي فەدەراتسياسى جانە باسقا دا تاياۋ شەتەلدەر.
بيداي ەكسپورتى كولەمى 4,3 پايىزعا، ارپا 82,7 پايىزعا، پودشيپنيكتەر 46,5 پايىزعا ءوستى. وبلىستىڭ ءداستۇرلى ەكسپورت ونىمدەرى قاتارىن قۇراۋشى وسىمدىك ونىمدەرى بولىپ تابىلادى - كۇنباعىس تۇقىمىنىڭ ەكسپورتى 2,1 ەسەگە ءوستى، راپستىڭ تۇقىمى - 1,3 ەسەگە.
اقمولا وبلىسى كاسىپورىندارىنىڭ ازىق- تۇلىك ونىمدەرىن تاراتۋ ماقساتىندا، رەسەي فەدەراتسياسىنىڭ شەكارالاس ورنالاسقان وڭىرلەرىنىڭ دۇكەندەر جۇيەسىندە ولاردى ساتۋ ماسەلەسى قاراستىرىلۋدا.
