گولوۆكين - «كانەلو» قارىمتا ايقاسىندا بيلەتتەر قانشا تۇرادى

None
None
استانا. قازاقپارات - اعىمداعى جىلدىڭ 5 -مامىرى كۇنى لاس-ۆەگاستىڭ T- Mobile Arena ستاديونىندا وتەتىن گولوۆكين - الۆارەس رەۆانشىنا كىرۋ بيلەتتەرىنىڭ قۇنى بەلگىلى بولدى، دەپ حابارلايدى قازاقپارات Sports.kz سايتىنا سىلتەمە جاساپ.

اتاپ وتىلگەندەي، بيلەتتەر ساتىلىمعا 27 -اقپان كۇنى شىعادى جانە كەلەسى باعادا بەلگىلەنىپ وتىر: 300 دوللار (96000 تەڭگە)، 500 دوللار (160000 تەڭگە)، 700 دوللار (224000 تەڭگە)، 800 دوللار (256000 تەڭگە)، 1500 دوللار (480000 تەڭگە)، 2000 دوللار (640000 تەڭگە)،

2500 دوللار (800000 تەڭگە) جانە 5000 دوللار (1600000 تەڭگە).

ايتا كەتەيىك، وتكەن جىلدىڭ 16 -قىركۇيەگىندە لاس- ۆەگاستىڭ T- Mobile Arena-سىندا وتكەن گولوۆكين مەن الۆارەستىڭ العاشقى جەكپە-جەگىنە دە بيلەتتەر قۇنى وسىنداي بولعان ەدى.

سونداي-اق بەلگىلى بولعانداي، قوس بوكسشى 27 -اقپان كۇنى لوس- انجەلەستەگى Microsoft Square L. A. LIVE مادەني، ويىن- ساۋىق كەشەنىندە جۋرناليستەردىڭ سۇراقتارىنا جاۋاپ بەرىپ، «كوزقاراستار دۋەلىن» وتكىزەدى.

جانكۇيەرلەر ءۇشىن مادەني، ويىن-ساۋىق كەشەنىنىڭ ەسىكتەرى ا ق ش ۋاقىتىمەن 15:30-دان باستاپ اشىق بولادى. ال جالپى ءىس-شارا 18:30-دا (استانا ۋاقىتىمەن 28 -اقپان كۇنى 08.30-دا) باستالادى.

 

سوڭعى جاڭالىقتار