قونىس اۋدارۋشىلاردى جۇمىسپەن قامتىعاندارعا قانشا تولەنەدى

None
None
پەتروپاۆل. قازاقپارات - سولتۇستىك قازاقستان وبلىسىندا جينالىستا ق ر ەڭبەك جانە الەۋمەتتىك قورعاۋ ءمينيسترى مادينا ءابىلقاسىموۆا جەرگىلىكتى اتقارۋشى ورگانداردىڭ نازارىن قونىس اۋدارۋشىلاردىڭ جۇمىسپەن قامتىلۋىنا اۋداردى، دەپ حابارلايدى «قازاقپارات» ح ا ا ءتىلشىسى.

 مادينا ءابىلقاسىموۆا وڭىردەگى ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىنىڭ جۇزەگە اسىرىلۋىنا وڭ باعا بەردى. بىلتىر سولتۇستىك قازاقستان وبلىسىندا 19 مىڭ ادام جۇمىسقا تارتىلىپ، سونىڭ 13 مىڭى تۇراقتى جۇمىس ورىندارىنا ورنالاستىرىلدى.

«قونىس اۋدارۋشىلاردىڭ جارتىسىنان ازى جۇمىسپەن قامتىلعان. وسى باعىتتا ازاماتتاردى وقىتۋ، قايتا دايارلاۋ بويىنشا جۇمىس ىستەۋ كەرەك. وڭىردە جۇمىس كۇشى جەتكىلىكسىز. وسىعان بايلانىستى باسقا وبلىستاردان ولاردى تارتۋ جۇمىستارىن جالعاستىرۋ قاجەت»، - دەدى م. ءابىلقاسىموۆا.

سونداي- اق، ول كەم دەگەندە 5 قونىس اۋدارۋشىنى جۇمىسقا قابىلداعان جۇمىس بەرۋشىلەرگە ءار جۇمىسشى ءۇشىن 450 ا ە ك كولەمىندە سۋبسيديا بەرىلەتىندىگىن اتاپ ءوتتى.

«بۇل تەتىك ەلدەگى وڭىرلەردىڭ قىزىعۋشىلىعىن ارتتىردى. وسىنى ناسيحاتتاپ، وبلىستا جۇزەگە اسىرۋ كەرەك. بۇدان بولەك جاڭا بيزنەس- يەديالاردى ىسكە اسىرۋ ءۇشىن100 ا ە ك كولەمىندە قايتارىمسىز گرانتتار ۇسىنۋ قاراستىرىلعان»، - دەپ اتاپ ءوتتى مينيستر.

 وبلىس اكىمىنىڭ ورىنباسارى اسحات ساكىپكەرەيەۆتىڭ اقپاراتى بويىنشا، قونىس اۋدارۋشىلاردى ورنالاستىرۋ كارتاسى جاسالعان. وعان 224 ەلدى مەكەن كىرگەن. كوشىپ كەلۋشىلەرگە وڭىردەگى بوس جۇمىس ورىندارى، ماماندىقتار انىقتالعان.

«ءبىزدىڭ دەلەگاتسيامىز قازىر ماڭعىستاۋ، الماتى، جامبىل وبلىستارىندا جۇمىس ىستەپ جاتىر. جىل باسىنان بەرى 18 وتباسى قونىس اۋداردى»، - دەدى ا. ساكىپكەرەيەۆ.

 وڭىرگە بيىل بارلىعى 3,4 مىڭ ادام كەلەدى.

سوڭعى جاڭالىقتار