مەملەكەتتىك قىزمەتشىلەردىڭ سانا- سەزىمىن قالاي وزگەرتۋگە بولادى - اليك شپەكبايەۆتىڭ پايىمى

استانا. قازاقپارات - مەملەكەتتىك قىزمەتشىلەردىڭ، ەڭ الدىمەن باسشىلاردىڭ سانا- سەزىمىن جاڭعىرتۋ يكەمدى داعدىنى دامىتۋمەن باستالۋى ءتيىس.

 مۇنداي پىكىردى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆ فەيسبۋكتەگى پاراقشاسى ارقىلى ءبىلدىردى،

 دەپ حابارلايدى قازاقپارات.

«ەلىمىزدە «رۋحاني جاڭعىرۋ» باعدارلاماسى جۇزەگە اسىرىلۋدا. ونىڭ اياسىندا اگەنتتىك مەملەكەتتىك قىزمەتشىلەردىڭ ويلاۋىن ترانسفورماتسيالاۋعا باعىتتالعان «وزگەرىستەردى وزىڭنەن باستا» جوباسىن جۇرگىزۋدە. وسىعان بايلانىستى ۇجىممەن مەملەكەتتىك قىزمەتشىلەرگە قاتىستى قالىپتاسقان ستەروتيپتەردى وزگەرتۋدىڭ جاڭا ادىستەرىن قولدانۋ بويىنشا «اقىل- ويعا شابۋىل» شاراسىن وتكىزدىم. وعان ەگجەي- تەگجەيلى توقتالماي، كەزدەسۋدە تۇيگەن كەيبىر ويلارىممەن بولىسكىم كەلەدى»، - دەدى ول.

ونىڭ پايىمىنشا، مەملەكەتتىك قىزمەتشىلەردىڭ، ەڭ الدىمەن باسشىلاردىڭ سانا- سەزىمىن جاڭعىرتاتىن يكەمدى داعدىنى دامىتۋمەن باستالۋى قاجەت.

«بۇل اۋقىمى كەڭ تۇسىنىك. دەگەنمەن، ءىس جۇزىندە ءسوز تىڭداۋ جانە تىڭداي ءبىلۋ قابىلەتى جايىندا بولىپ وتىر. تاياۋ بولاشاقتا جوعارى ەموتسيالىق ينتەللەكت مەملەكەتتىك قىزمەتشىلەردى ىرىكتەۋدىڭ ەڭ باستى كريتەرييلەرىنىڭ بىرىنە اينالاتىندىعىنا شاك كەلتىرمەيمىن»، - دەدى اليك شپەكبايەۆ.

ونىڭ پايىمىنشا، مەملەكەتتىك قىزمەتشىلەر اراسىنداعى جۇيەلى بۇزۋشىلىقتارمەن قانداي دا ءبىر كۇش قولدانۋ شارالارىنسىز- اق كۇرەسۋگە بولادى.

«جول قوزعالىسى ەرەجەسىن جۇيەلى بۇزۋ، دورەكىلىك، سپيرتتىك ىشىمدىك ءىشۋ - مۇنىڭ بارلىعى دا مەملەكەتتىك ورگانداردىڭ قابىرعاسىندا ءالى دە بار. ءبىراق، بۇل قۇبىلىسپەن قانداي دا ءبىر كۇش قولدانۋ شاراسىنسىز- اق كۇرەسۋگە بولادى. ارىپتەستەر مىنەز- قۇلىقتىڭ مۇنداي مودەلدەرىن قابىلداي امايتىندىعىن ءبىر- بىرىنە اشىق ايتىپ، ال باسشىلىق وزدەرىنىڭ ءىس- ارەكەتىمەن ونى كورسەتىپ، دالەلدەۋى ءتيىس»، - دەدى اگەنتتىك باسشىسى.

اۆتور: مارلان جيەمباي