قىتاي قازاقتارى لاتىن ءالىپبيىنىڭ جاڭا نۇسقاسىن تاريحي وقيعا دەدى
بۇل تۋرالى تانىمال جازۋشى، قىتاي حالىقتىق ساياسي كونسۋلتاتيۆتىك كەڭەسىنىڭ مۇشەسى اكبار ءماجيت «قازاقپارات» ح ا ا مەنشىكتى تىلشىسىنە بەرگەن سۇحباتىندا ايتتى.
«بۇل جاقسى جاڭالىق. كۇن سايىن وزگەرىپ وتىراتىن الەمدە قازاقستاندى سيفرلاندىرۋ جانە رۋحاني جاڭعىرتۋمەن قاتار، جاڭا ءالىپبيدىڭ قابىلدانۋى وتە ماڭىزدى بولماق. مۇنى تاريحي وقيعاعا تەڭەۋگە بولادى. لاتىن گرافيكاسىنا ءوتۋ مەن جاڭا ءالىپبيدىڭ تاڭدالۋ پروتسەسىندە قوعامدىق پىكىردىڭ ەسەپكە الىنۋى قۋانتادى»، - دەدى ول قازاقپاراتقا بەرگەن سۇحباتىندا.
ونىڭ ايتۋىنشا، لاتىن قارپىندەگى جاڭارتىلعان ءالىپبي قىتايداعى قازاقتار ءۇشىن دە ىڭعايلى.
«ءبىز لاتىن قارپىن بۇرىننان قولدانامىز. 1962-1982 -جىلدارى قازاق ءتىلىنىڭ دىبىسىن جەتكىزۋ ءۇشىن لاتىن ترانسليتەراتسياسىن جاساعانبىز. سوندىقتان ق ح ر- داعى قازاق اعا بۋىن وكىلدەرى ءۇشىن دە لاتىن گرافيكاسىن قابىلداۋ قيىنعا سوقپايدى. قازىرگى تاڭدا قىتايداعى قازاقتار، اسىرەسە جاستار لاتىن قارپىن قولدانا وتىرىپ، ءبىر- بىرىمەن حات الماسۋدا»، - دەپ اتاپ ءوتتى ا. ءماجيت.
