زەرگەرلىك ونەر تاريحي سانانىڭ جاڭعىرۋىنا مۇمكىندىك بەرەدى - شەبەر
بۇل كۇنى وبلىستىڭ بارلىق قالا- اۋدان ورتالىقتارىندا «ىنتىماعى جاراسقان قازاقستان!» تاقىرىبىندا وڭىردەگى شىعارماشىل دارىن يەلەرىنىڭ قولونەر بۇيىمدارى مەن شىعارماشىلىق ونەر تۋىندىلارى كورمەلەرى ءوتىپ جاتىر.
سونىمەن قاتار، جالپى ورتا مەكتەپتەر مەن كوللەدجدەردە «ىنتىماعى جاراسقان قازاقستان!» تاقىرىبىندا شىعارماشىلىق بايقاۋلار ۇيىمداستىرىلۋدا.
ال، وبلىستىق «قازاقستان حالقى اسسامبلەياسى» عيماراتىندا وتكەن قولونەر بۇيىمدارى كورمەسىنە وڭىردەگى ءتۇرلى ەتنوس وكىلدەرى قاتىستى. ءىس- شارانىڭ اشىلۋىندا وبلىستىق «قوعامدىق كەلىسىم» مەكەمەسىنىڭ باسشىسى ەربول بايقوناقوۆ 20 - اقپاننان باستالىپ، 1 - ناۋرىزعا دەيىن جالعاساتىن مەرەكەلىك ءىس- شارالاردىڭ ءمان- مازمۇنىنا توقتالدى.
جيىندا ءسوز العان وبلىستىق وزبەك ەتنومادەني بىرلەستىگىنىڭ مۇشەسى، قولونەر شەبەرى يكرامجان رافيكوۆ 15 جىلدان بەرى قازاق حالقىنىڭ زەرگەرلىك بۇيىمدارىن جاساۋمەن ءارى ناسيحاتتاۋمەن اينالىسىپ كەلە جاتقانىن ايتتى.
«قازاق حالقىنىڭ ەرتە زاماننان باستاۋ العان زەرگەرلىك ونەرى حالىق ومىرىمەن، تاريحىمەن، شارۋاشىلىعىمەن تىعىز بايلانىستا دامىپ كەلەدى. ءار تۋىندىنىڭ استارىندا تەرەڭ ءمان- ماعىنا بار. وسى دۇنيەلەر ارقىلى بولاشاق ۇرپاق ءوزىنىڭ تەك- تانىمىن ءبىلىپ، تاريحي ساناسىنىڭ جاڭعىرۋىنا مۇمكىندىك الادى»، - دەيدى شەبەر رافيكوۆ.
ايتا كەتۋ كەرەك، ەرتەڭ «كورشىگە ىزەت» كۇنى اياسىندا وڭىردە اۋىل ازاماتتارىن جاقىنداستىرۋ، كورشىلەر اراسىنداعى بايلانىستى بەكەمدەۋ باعىتىندا ءتۇرلى ءىس- شارالار ۇيىمداستىرىلماقشى.
اۆتور: اينۇر اقبايەۆا
