ءمولدىر اۋەلبەكوۆا بايان ماقسات قىزىمەن بولعان داۋدىڭ نۇكتەسىن قويدى
اۋەلبەكوۆانىڭ بۇل سوزىنە شامدانعان بايان دا، جەلىدە ءوز جاۋابىن بەردى. دەسەك تە ۇستاز بەن شاكىرت اراسىنداعى تەكەتىرەس وڭ شەشىمىن تاپقانداي...
بۇل تۋرالى ن ت ك ارناسىنىڭ «ريەۆيۋ» باعدارلاماسىندا ايتىلدى.
ءيا، بۇل باتىل وبرازدارىمەن كوزگە تۇسكەن «كەشيۋدىڭ» كەشەگى كەلبەتى ەدى. جىلدار جىلجىپ، ۋاقىت سىرعىعان سايىن، اتالمىش قىزدار ۇجىمىنىڭ دا ساحنالىق كوستيۋمدەرى بۇتىندەلە باستادى. ءمولدىر مۇنداي كيىمدى باياننىڭ تالابىمەن كيىدىك دەگەن سوڭ، قوس تاراپ الەۋمەتتىك جەلىدە اشىق ايقاسقا شىققان ەدى. بۇل ەكەۋىنىڭ العاشقى جانجالى ەمەس، سوندىقتان اۋەلبەكوۆانىڭ مۇنداي جايتتارعا ەتى ۇيرەنگەنى قاشان...
«سابىر - اقىل سەرىگى» - دەپ وتىرا بەرەمىن. ۇيرەنشىكتى جاعداي. ونەر بولعاننان كەيىن ونداي بولا بەرەدى. ول ءاردايىم بولعان نارسە. كوڭىل- كۇيىمە ەشقانداي تيگەندە جوق، تيمەيدى دە. مەن ايتىپ تۇرمىن عوي، وزىممەن- ءوزىم شىعارماشىلىعىممەن اينالىسىپ جۇرگەن اداممىن»، - دەيدى اۋەلبەكوۆا.
«ءبىراق، بايان جايلى جاعىمسىز پىكىر بىلدىرۋدەن اۋلاقپىن» - دەپ وتىر ءمولدىر. دەسەك تە، ءدۇيىم جۇرتقا تانىتقان ۇستازى تۋرالى تالاي مارتە سۇحبات بەرگەنىمەن، جاعىمدى جاڭالىقتى جەتكىزۋدە ب ا ق وكىلدەرى ساراڭدىق تانىتىپ كەلگەن كورىنەدى.
«مەن ءوزىمنىڭ ۇستازىمدى قانشاما وسى، التى جىلدان بەرى ماقتاپ كەلە جاتىرمىن. مەنى ول كىسىدەن كەتكەننەن كەيىن، بىرنەشە پروديۋسەر وزىنە جۇمىس جاسايىق دەپ شاقىرعان بولاتىن. مەن سول كىسىلەرگە دە جاۋاپ ايتقانمىن: «مەنىڭ پروديۋسەرىمنەن ارتىق ەشكىم ارتىق ۇيرەتە المايدى. مەن ءۇشىن مىقتى، ەڭ ۇلكەن مەكتەپ» - دەپ تالاي سۇحباتتاردا ايتىلدى. ءبىراق، ونىڭ بارلىعىن ەشكىم ەستىمەيدى دە، كورسەتپەيدى دە»، - دەيدى ءمولدىر.
قازىرگى تاڭدا اۋەلبەكوۆا دا انشىلىكپەن قاتار، پرودسەرلىك پەن ۇستازدىققا بەت بۇرعان. «نازار» دەپ اتالاتىن گەلزبەندكە جەتەكشىلىك ەتەتىن «كەشيۋدىڭ» ەكس- مۇشەسى، قول استىنداعى قىزدار ۇجىمىنىڭ تۇڭعىش بەينەبايانىن تاسپالاۋدا.
«بەينەكليپ سيۋجەتتىك. ءبىزدى ءبىر وبرازدا كورەتىن بولاسىزدار! بۇل كليپىمىزدىڭ سيۋجەتى اناسىنان ايىرىلعان بالالاردىڭ، كورگەن قيىنشىلىقتارى تۋرالى كورسەتىلەدى بەينەباياندا»، - دەيدى «نازار» توبىنىڭ قىزدارى.
