داۋرەن ابايەۆ الماتىلىقتارعا ەلباسى جولداۋىنداعى باسىم باعىتتار تۋرالى ايتتى
مينيستر قالا تۇرعىندارىنا، بيزنەسمەندەرگە، حالىق قالاۋلىلارىنا مەملەكەت باسشىسى نۇرسۇلتان نازاربايەۆتىڭ جولداۋىندا كورسەتىلگەن مىندەتتەر ءىس جۇزىندە قالاي جۇزەگە اساتىنىن ءتۇسىندىردى.
ونىڭ ايتۋىنشا، قازىر الماتىدا جولداۋدىڭ «قۇرىلىس پەن كوممۋنالدى سەكتورعا زاماناۋي تەحنولوگيالاردى ەنگىزۋ» اتتى 5-پۋكنتى جۇزەگە اسىرىلىپ كەلەدى.
«الماتى اكىمى ءوز ەسەبىندە قۇرىلىس سالاسىنا تولىق توقتالدى. سونىمەن قاتار قالادا smart-city جوباسى جۇزەگە اسىرىلىپ كەلەدى. قالا قۇرىلىسىنا قاجەتتى زاماناۋي ەلەمەنتتەر پايدالانىلىپ جاتىر. قۇرىلىسى باستالعان نەمەسە بۇرىننان بار ينفراقۇرىلىمدار ينتەللەكتۋالدى باسقارۋ تەتىگىمەن باسقارىلىپ وتىرادى. بۇل قالانىڭ جايلىلىعىن ارتتىرىپ، ەلەكتر ەنەرگياسىن، سۋ، جىلۋ رەسۋرستارىن تۇتىنۋدى قىسقارتۋعا باعىتتالعان. بۇگىندە ەلباسى تاپسىرماسىمەن ءبىزدىڭ مينيسترلىك smart-city كونسەپتسياسىنىڭ ستاندارتىن جاساۋمەن اينالىسىپ جاتىر. وسىعان بايلانىستى 1,5 جىل بۇرىن اقپاراتتىڭ قولجەتىمدىلىگى تۋرالى زاڭ قابىلدانعان ەدى. وسى زاڭعا سايكەس بارلىق مەملەكەتتىك ورگاندار «اشىق ۇكىمەت» پورتالىندا مالىمەتتەردى بۇكپەسىز جاريالاۋى ءتيىس. بۇل ءوز كەزەگىندە smart-city بويىنشا كوبىرەك تەحنولوگيا ەنگىزۋگە مۇمكىندىك بەرەدى. الماتى بيلىگى كولىك جۇيەسى بويىنشا اۆتوبۋستاردىڭ مارشرۋتتارى تۋرالى اقپاراتتى دا جاريالاپ وتىر. ارنايى قوسىمشالار جاسالدى. ادامدار قاي اۆتوبۋس قاي ۋاقىتتا كەلەتىنى، قاي اۆتوبۋستا ادام از ەكەنىن الدىن الا ءبىلىپ وتىرادى»، - دەدى مينيستر.
داۋرەن ابايەۆ ەلباسىنىڭ دەنساۋلىق ساقتاۋ سالاسىنداعى ستاتسيونارلىق ەمدەۋدەن پروفيلاكتيكاعا كوشۋ تۋرالى، سالاۋاتى ءومىر سالتىن ناسيحاتتاۋ تۋرالى مىندەتتەرىن دە تىلگە تيەك ەتتى.
«ەلەتكروندى مەديتسينالىق كارتوچكالاردىڭ ارقاسىندا ناۋقاستاردىڭ بارلىق ەمدەلۋ تاريحىن بىلۋگە بولادى. ول ادام باسقا جەرگە كوشىپ كەتسە دە مالىمەتتەر بازاسى ساقتالادى»، - دەدى مينيستر.
ايتا كەتۋ كەرەك، بۇگىن الماتى اكىمى باۋىرجان بايبەك 2020 -جىلعا تامان قالاداعى اۋرۋحانالاردىڭ بارلىعى قاعازباستىلىقتان ارىلادى دەگەن بولاتىن.
