ەرتەڭ ەركىن باعدارلامادا بارىمدى سالامىن - ەليزابەت تۇرسىنبايەۆا

پحەنچحان. قازاقپارات - وڭتۇستىك كورەيادا ءوتىپ جاتقان قىسقى وليمپيادا ويىندارىندا مانەرلەپ سىرعاناۋدان قىسقا باعدارلامادا سىنعا تۇسكەن ەليزابەت تۇرسىنبايەۆا جارىستان كەيىنگى اسەرىمەن ءبولىستى، دەپ حابارلايدى قازاقپارات ءتىلشىسى.

«مەن قىسقا باعدارلامادا وتە جاقسى ونەر كورسەتتىم دەپ ەسەپتەيمىن. وسىنداي الەم كوز تىگىپ وتىرعان وليمپيادا ويىندارىندا سايىسقا ءتۇسىپ جاتقانىما قۋانىشتىمىن. سەبەبى، مانەرلەپ سىرعاناۋدان قازاقستاننان وليمپيادا ويىندارىنا تۇڭعىش رەت ەكى قىز قاتىسىپ وتىر. بۇل ۇلكەن جەتىستىك»، - دەپ اتاپ ءوتتى ول.

سونداي-اق، ەليزابەت تۇرسىنبايەۆا ەرتەڭ ەركىن باعدارلامادا بارىن سالىپ، جوعارى ۇپاي ەنشىلەۋگە تىرىساتىنىن ايتتى.

«مەن جارىس بارىسىندا ورىنداۋعا ءتيىستى ءبىرىنشى ەلەمەنتتى جاساي المادىم. سول ءۇشىن ۇپايىم ءسال تومەندەپ قالدى. ال باسقا جاتتىعۋلاردى جاقسى ورىندادىم. باستىسى ەرتەڭگى ەركىن باعدارلاماعا قاتىسۋعا مۇمكىندىك الىپ وتىرمىن. بۇيىرسا، ەرتەڭ ەركىن باعدارلامادا بارىمدى سالىپ، جوعارى ۇپاي الۋعا كۇش سالامىن»، - دەدى ول.