بۇگىننەن باستاپ اتى- ءجونىمدى لاتىن الىپبيىندە جازامىن - عاريفوللا ەسىم

None
None
استانا. قازاقپارات - بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر مادەنيەت جانە سپورت ءمينيسترىنىڭ كەڭەسشىسى، اكادەميك عاريفوللا ەسىم بۇگىننەن باستاپ اتى- ءجونىن لاتىن الىپبيىمەن جازا باستايتىندىعىن ايتتى، دەپ حابارلايدى قازاقپارات.

«كەز كەلگەن ءىستىڭ وزىندىك بەيىمدەلۋ پروتسەسى بولادى. ماسەلەن، مەن قازاقستان رەسپۋبليكاسىنىڭ ازاماتى رەتىندە بۇگىننەن باستاپ تەگىمدى، اكەمنىڭ اتىن، ءوز اتىمدى، جاقىن ادامداردى لاتىن گرافيكاسىندا جازۋدى قارقىندى تۇردە باستاماقپىن. ويتكەنى، بەيىمدەلۋ دەگەن ءدال وسىلاي باستالادى. سىزدەرگە دە سوعان كەڭەس بەرەمىن. كەز كەلگەن ۇيىم، كەز كەلگەن ادام بەيىمدەلە باستاۋى قاجەت»، - دەدى ول.

وسى رەتتە اكادەميك قۇجاتتامالاردى دا بىرتىندەپ بەيىمدەي باستاۋ دۇرىس بولارىن باسا ايتتى.

«وندا تۇرعان قانداي قيىندىق بار؟ بۇل ارىپتەردىڭ بارلىعى بەلگىلەنگەن، بارشامىزعا ايان. مەن ءوزىم نەمىس، اعىلشىن تىلدەرىن وقىعانمىن. بۇل توپتاعى تىلدەردىڭ بارلىعى ماعان، ال جاستارعا ءتىپتى بەلگىلى. جاستار، سىزدەر ءبىر- بىرلەرىڭىزگە لاتىن الىپبيىندە جازاسىزدار عوي، سولاي ەمەس پە؟ سولاي. ەندەشە سىزدەرگە بۇل ەش قيىندىق تۋدىرمايدى. بەيىمدەلۋ قاجەت، بەزىنۋدىڭ رەتى جوق، داعدىلانۋ كەرەك»، - دەدى عاريفوللا ەسىم.

اۆتور: مارلان جيەمباي

سوڭعى جاڭالىقتار