اسىق ويىندارى قىتاي، گونكونگ، پولشادا تانىستىرىلماق
وسىلايشا، ۇلتتىق كومپانيا قازاقتىڭ ۇلتتىق ويىنىن الەمدىك كورمەلەردە ناسيحاتتاماق.
«ناۋرىز ايىندا گەرمانيادا وتەتىن الەمدەگى ەڭ ءىرى تۋريستىك كورمە - ITB Berlin كورمەسىندە بارعالى وتىرمىز. ونداعى ۇلتتىق پاۆيلوندى كيىز ءۇي ءتارىزدى قۇرىپ، ۇلتتىق ەلەمەنتتەرگە باسىمدىق بەرىلەدى. پاۆيلون قوناقتارى قازاقتىڭ ۇلتتىق اسپاپتارىن جاساۋدى، «قارا جورعا» ءبيىن بيلەۋدى جانە كيىز ءۇي تىگۋدى ۇيرەنەتىن بولادى. ودان بولەك، قوناقتارعا اسىق ويناتىپ، جەڭىمپازدارعا اسىق جيىنتىقتارىن سىيعا تارتامىز»، - دەدى «Kazakh Tourusm»ۇ ك» ا ق باسقارما ءتوراعاسى راشيد كۇزەمبايەۆ استانادا وتكەن باسپا ءسوز ءماسليحاتىندا.
گەرمانياداعى كورمەدەن كەيىن اسىق ويىندارىن قىتايدا، گونكونگتا، وڭتۇستىك كورەيا مەن پولشادا وتەتىن كورمەلەردە تانىستىرۋ جوسپارلانعان. ۇلتتىق كومپانيا وكىلدەرىنىڭ ايتۋىنشا، ءدال وسى كورمەلەرگە وتە كوپ اسىق قاجەت.
راشيد كۇزەمبايەۆتىڭ ايتۋىنشا، اسىق جيناۋ ناۋقانى جىل سايىن جۇرگىزىلىپ تۇرادى. اسىقتىڭ بۇكىل الەمگە تارالۋىنا ۇلەس قوسقىسى كەلگەندەر ارنايى ورتالىقتارعا كەلىپ وتكىزە الادى. مۇنداي ورتالىقتار استانادا جانە كەيىنىرەك وزگە وڭىرلەردە اشىلا باستايدى.
ەسكە سالا كەتسەك، 2017 -جىلدىڭ جەلتوقسان ايىندا اسىق اتۋ قازاقتىڭ ءداستۇرلى ويىنى رەتىندە UNESCO- نىڭ ادامزاتتىڭ ماتەريالدى ەمەس مادەني مۇراسى تىزىمىنە ەنگەن ەدى.
اسىق اتۋ - كوشپەلى حالىقتاردىڭ ەجەلگى ويىنى. اسىق ويناۋ قولدىڭ كىشى موتوريكاسى مەن ميدىڭ دامۋىنا سەپتىگىن تيگىزەدى. كوگنيتيۆتى فۋنكسيالار مەن لوگيكانى جاقسارتادى. اسىق ويىنىنا اۋەس بالا تاباندى، زەرەك، سابىرلى ءارى ۇستامدى بولىپ وسەدى.
اۆتور: ايجان سەرىكجان قىزى
