مۇعالىم بولعىسى كەلمەيتىندەر پەداگوگ ماماندىقتارعا وقۋعا تۇسۋدە - دەپۋتات

استانا. قازاقپارات - مۇعالىم بولعىسى كەلمەيتىن جاستار پەداگوگ ماماندىقتارعا وقۋعا ءتۇسۋدى جالعاستىرىپ جاتىر. بۇل تۋرالى ماجىلىستە الەۋمەتتىك- مادەني دامۋ كوميتەتىنىڭ جانە «نۇر وتان» پارتياسى فراكسياسى جانىنداعى الەۋمەتتىك كەڭەستىڭ بىرلەسكەن وتىرىسىندا دەپۋتات ناتاليا جۇمادىلدايەۆا ءمالىم ەتتى،

دەپ حابارلايدى قازاقپارات.

«پەداگوگ ماماندىعى بەدەلىنىڭ پروبلەماسى قازاقستان ءۇشىن دە وزەكتى. قازاقستاندا پەداگوگتىڭ ەڭبەكاقىسى ەلىمىز بويىنشا ورتاشا جالاقىدان از ەكەنى بەلگىلى. 2017 -جىلدىڭ ەكىنشى توقسانىنداعى ستاتيستيكالىق مالىمەتتەرىنە توقتالساق، پەداگوگتىڭ ورتاشا ەڭبەكاقىسى 99 مىڭ تەڭگە. ال ەلىمىزدەگى ورتاشا جالاقى  140265 تەڭگەگە دەيىن. بۇل ءوز كەزەگىندە تومەن جالاقى سالاعا تالانتتى ءارى دارىندى جاستاردى تارتۋعا مۇمكىندىك بەرمەي وتىر»، - دەپ توقتالدى جۇمادىلدايەۆا.

ونىڭ سوزىنە قاراعاندا، قازاقستاندا «التىن بەلگى» يەگەرلەرى اراسىندا تەك 5-7 پايىزى عانا ءبىلىم بەرۋ ماماندىقتارىن تاڭداعان. ال مەملەكەتتىك گرانتتى الۋعا ۇ ب ت- نىڭ شەكتى ۇپايىنىڭ تومەندىگى بۇل سالاعى قىزىعۋشىلىعى جوق جاستاردىڭ كەلۋىنە سەبەپ بولۋدا.

«الايدا ديپلوم العانىمەن پەداگوگيكالىق ج و و- لاردىڭ تۇلەكتەرى كوبىنە ءوز ماماندىعىمەن جۇمىس ىستەمەيدى. 2015 -جىلى قازاقستاندا پەداگوگيكالىق ماماندىقتارداعى تۇلەكتەردىڭ تەك 35 پايىزى وقۋىن ءتامامداعان جىلى جۇمىسقا تۇرعان. وكىنىشكە قاراي، ودان كەيىنگى تىڭ مالىمەتتەر ماعان ۇسىنىلمادى»، - دەدى دەپۋتات.

ونىڭ اتاپ وتۋىنشە، بۇگىندە قازاقستاندا پەداگوگتىڭ قوعامداعى مارتەبەسى تۋرالى ايقىن مالىمەتتەر جوق. حالىقارالىق دەڭگەيدە پەداگوگ كاسىبىنىڭ مارتەبەسىن باعالاۋعا مۇمكىندىك بەرەتىن تەتىكتەر جۇمىس ىستەۋدە.

 «بۇگىندە ەلىمىزدە كادرلاردىڭ تۇراقسىزدىعى بويىنشا ستاتيستيكا ۇلتتىق دەڭگەيدە جۇرگىزىلمەيدى. وسىنداي دەرەكتەردىڭ جوقتىعى اعىمداعى جاعدايدى، پروبلەمالاردى ءارى مامانداردىڭ جۇمىسىندا تۇراقتاماۋىنا قاتىستى ماسەلەنى باعالاۋعا تولىق مۇمكىندىك بەرمەيدى. بۇل ءوز كەزەگىندە پەداگوگتىڭ مارتەبەسىن جوعارىلاتۋ ءۇشىن قاجەتتى شارالاردى ايقىنداۋعا كەدەرگى كەلتىرەدى»، - دەپ ءتۇيدى دەپۋتات.

ايتا كەتەيىك، بۇگىن ماجىلىستە وتكەن بۇل وتىرىس بارىسىندا مۇعالىم ماماندىعىنىڭ بەدەلىن كوتەرۋ ماسەلەسى تالقىلاندى.

 ق ر ءبىلىم جانە عىلىم ۆيتسە- ءمينيسترى اسحات ايماعامبەتوۆ مەكتەپ ديرەكتورلارى ءۇشىن ەڭبەكاقىنى سارالانعان تۇردە تولەۋ قاراستىرىلىپ جاتقانىن ايتتى.

سونىمەن قاتار، مينيسترلىك مۇعالىمدەردى قورعاۋدىڭ قادامدارىن ەسكەرۋدە. وسى ورايدا قازاقستاندا مەكتەپتەر مەن اتا- انالار اراسىندا كەلىسىم بەكىتۋ جوسپارلانىپ وتىر.

فوتو: parlam.kz

اۆتور: رۋسلان عابباسوۆ