مەكتەپ ديرەكتورلارىنا ەڭبەكاقى تولەۋدە وزگەرىستەر ەنگىزىلمەك
بۇل تۋرالى ماجىلىستە الەۋمەتتىك- مادەني دامۋ كوميتەتىنىڭ جانە «نۇر وتان» پارتياسى فراكسياسى جانىنداعى الەۋمەتتىك كەڭەستىڭ بىرلەسكەن وتىرىسىندا ق ر ب ع م ۆيتسە- ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات.
«مۇعالىمدەردىڭ ەڭبەكاقىسىنا قوسىمشا اقى ەسكەرىلگەن. الايدا مەكتەپ ديرەكتورى مەن ونىڭ ورىنباسارلارىنا، وقۋ ءىسىنىڭ مەڭگەرۋشىلەرىنە قاتىستى پروبلەما بار. ءبىز وسى ماسەلەنى اتتەستاتسيا ارقىلى جۇيەلى شەشۋدى كوزدەپ وتىرمىز. قازىرگى كەزدە مەكتەپ ديرەكتورلارى ءۇش جىلدا ءبىر مارتە ازاماتتىق قىزمەتكەرلەر رەتىندە اتتەستاتسيادان وتەدى. دەگەنمەن دە ول شاعىن نەمەسە ۇلكەن مەكتەپتىڭ ديرەكتورى بولۋىنا، مەكتەپتىڭ تولىقتىعىنا، سونداي-اق ديرەكتوردىڭ قانشالىقتى ءتيىمدى جۇمىس اتقارۋىنا قاراماستان، ونىڭ ەڭبەكاقىسى وسپەي كەلەدى. ياعني ۇستەمە اقى قاراستىرىلماعان»، - دەدى ايماعامبەتوۆ.
وسى ورايدا ول مينيسترلىك ورتا ءبىلىم بەرۋ ۇيىمدارىنداعى ديرەكتورلارعا جانە ولاردىڭ ورىنباسارلارىنا ەڭبەكاقىنى سارالاۋ تۋرالى ماسەلەنى قاراپ جاتقانىن جەتكىزدى.
بۇدان بولەك، ۆەدومستۆو مەكتەپ ديرەكتورى مەن ورىنباسارلارىنا جارتى ستاۆكاعا ءپان جۇرگىزۋ مۇمكىندىگىن قايتارىپ بەرۋدى ۇسىندى.
ايتا كەتەيىك، بۇگىنگى وتىرىس بارسىندا مۇعالىم ماماندىعىنىڭ بەدەلىن كوتەرۋ ماسەلەسى تالقىلاندى.
