13:14, 20 - اقپان 2018 | GMT +5
ەل ازاماتتارى ولگەننەن كەيىن اۆتوماتتى تۇردە دونورعا اينالاتىن زاڭ قابىلداندى
استانا. قازاقپارات - دونور رەتىندە تىركەلمەگەن ءاربىر ەرەسەك ازامات ولىمىنەن كەيىن دەنە مۇشەلەرىن قايىرىمدىلىققا جۇمساۋعا ءازىر مە الدە جوق پا سۇراعى قويىلاتىن حات الادى، دەپ حابارلايدى Baq.kz اقپارات اگەنتتىگى korrespondent.net سايتىنا سىلتەمە جاساپ.
نيدەرلاندىداعى سەناتورلار مەملەكەت ازاماتتارى 18 جاستان اسقان سوڭ ەرىكتى تۇردە دونور بولا الاتىن جاڭا زاڭ قابىلدادى. ياعني ازاماتتىڭ ولىمىنەن كەيىن دەنە مۇشەلەرى ناۋقاستارعا بەرىلۋى ءۇشىن ول كوزى تىرىسىندە بۇعان رۇقسات بەرۋى ءتيىس. اتالعان قۇجاتقا تومەنگى پالاتا 2017 -جىلى داۋىس بەرگەن بولاتىن. ال ونى نيدەرلاندى پارلامەنتىنىڭ جوعارعى پالاتاسى قابىلدادى.
زاڭ جوباسىنىڭ اۆتورى پيا دەيكسترا مۇنداي زاڭنىڭ بەلگيا جانە يسپانيا ەلدەرىندە بار ەكەنىن ايتىپ ءوتتى. جوعارىداعى سۇراققا «ءيا»، «جوق» نەمەسە «مۇنى جاقىندارىم شەشەدى» جاۋابىن تاڭداۋعا بولادى. انكەتانىڭ ەكى سۇراعىنا جاۋاپ بەرمەگەندەر اۆتوماتتى تۇردە دونورعا اينالادى. ءبىراق، كوزى تىرىسىندە ستاتۋستارىن مىندەتتى تۇردە وزگەرتە الادى.
