وليمپيادادا نورۆەگيا مەدالدار سانىمەن كوش باستادى
ال، ازىرگە قازاقستان قۇراماسىندا فريستايلشى يۋليا گالىشەۆا جەڭىپ العان جالعىز قولا مەدالمەن جالپى ەسەپتە 25- ورىندا تۇراقتادى.
بۇگىنگى كۇننىڭ جالپى قورىتىندىسى بويىنشا، جالپى ەسەپتە ءبىرىنشى ورىندا كەلە جاتقان نورۆەگيا قۇراماسى مەدالدار سانىن 28 گە جەتكىزىپ، وزگە ەلدەردەن وق بويى وزىپ كەتتى. ولاردىڭ قورجىنىندا 11 التىن، 9 كۇمىس جانە 8 قولا (28) مەدال بولسا، ەكىنشى ورىندا كەلە جاتقان گەرمانيا ەلىنىڭ قورجىنىندا ازىرگە 10 التىن، 6 كۇمىس جانە 4 قولا جالپى (20) مەدال بار. ال ۇزدىك ءۇشىنشى ورىنعا بۇگىن كانادا سپورتشىلارى كوتەرىلدى. ولاردىڭ ەنشىسىندە 6 التىن، 5 كۇمىس جانە 6 قولا مەدال (17).
بۇگىن جالپى ەسەپتە ءبىر ساتى تومەندەگەن نيدەرلاندى ەلى كانادادان قولا مەدالدار سانى جاعىنان ارتتا قالىپ كەلەدى. ولاردىڭ ەنشىسىندە 6 التىن، 5 كۇمىس جانە 2 قولا (13) مەدال. سونداي-اق، ۇزدىك بەستىكتى ا ق ش قۇراماسى تۇيىندەۋدە. ولاردىڭ ەنشىسىندە 5 التىن، 3 كۇمىس جانە 2 قولا (10) مەدال بار.
ەستەرىڭىزگە سالا كەتەيىك، 9- اقپاندا الاۋى تۇتانعان اق وليميادا ويىندارىنا قازاقستان 57 جولداما جەڭىپ العان بولاتىن. ولار سپورتتىڭ 9 تۇرىنەن ەل نامىسىن قورعاپ جاتىر. ال، جالپى وليمپيادا ويىندارىندا سپورتتىڭ 15 تۇرىنەن 102 مەدال جيىنتىعى ساراپقا سالىنادى. جارىس 25- اقپاندا ءوز مارەسىنە جەتەدى.
