يران ۇشاق اپاتىنىڭ سەبەپتەرىن انىقتاۋعا فرانسيادان ارنايى مامانداردى شاقىرتپاق

استانا. قازاقپارات - قازىرگى ۋاقىتتا يراننىڭ ىزدەۋ- قۇتقارۋ توبى وسى جولاۋشىلار ۇشاعى قۇلاعان اۋماققا جەتكەن.

بۇعان دەيىن ولار اۋا رايىنىڭ قولايسىزدىعىنا بايلانىستى ىزدەستىرۋ وپەراتسيالارىن جۇرگىزە الماعان ەدى. جەرگىلىكتى ارنالاردىڭ حابارلاۋىنشا، توپتىڭ قۇرامىندا تاۋعا ورمەلەۋدىڭ قىر- سىرىن مەڭگەرگەن 100-گە جۋىق مامان بار. ال يراننىڭ ازاماتتىق اۆياتسياسى ۇشاق اپاتىنىڭ سەبەپتەرىن تەكسەرۋ ءۇشىن فرانسيادان ارنايى ماماندار كەلگەنىن مالىمدەدى. ەگەر اۋە كولىگىنىڭ قارا جاشىگى تابىلسا، ۇشاقتى شىعارعان كومپانيانىڭ وتىنىشىمەن جازبالاردى زەرتتەۋ جۇمىستارى وزگە مەملەكەتتە جۇرگىزىلۋى مۇمكىن.

جەرگىلىكتى تۇرعىن:

- ۇشاق قۇلاعان جەرگە باراتىن جول جوق. سوندىقتان قۇتقارۋشىلار وسى ماڭعا كەلىپ، بوگەلىپ قالدى. ءتۇنى بويى اۋىل ماڭىن ءسۇزىپ شىقتىق. ءبىراق ەشتەڭە تابا المادىق.

ەسكە سالا كەتەيىك، كەشە تەگەراننان ياسۋدج قالاسىنا باعىت العان اۋە كولىگى 50 مينۋتتان كەيىن رادار بەتىنەن جوعالىپ كەتتى. شۇعىل ىزدەستىرۋ بارىسىندا ونىڭ سەميروم قالاسىنا جاقىن جەردەگى تاۋلى اۋداندا اپاتقا ۇشىراعانى انىقتالدى. اۋەكومپانياسى لاينەردىڭ تاۋعا سوعىلعانىن حابارلادى. الدىن الا بولجام بويىنشا ۇشاق بورتىنداعى 66 ادامنىڭ بارلىعى قازا تاپقان.

http://24.kz/kz