حالىقارالىق جۇك تاسىمالىنداعى قازاقستان كەمەلەرى ءتيىمدى بولىپ وتىر

None
None
استانا. قازاقپارات - حالىقارالىق جۇك تاسىمالىنا جۇمىلدىرىلعان قازاقستان كەمەلەرى وزدەرىن اقتاپ كەلەدى. بۇل تۋرالى سەناتتىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا ينۆەستيتسيالار جانە دامۋ ۆيتسە- ءمينيسترى رومان سكليار ءمالىم ەتتى، دەپ حابارلايدى قازاقپارات.

 بۇگىن «تەڭىز كەمە قاتىناسى قاۋىپسىزدىگىنە قارسى باعىتتالعان زاڭسىز ءىس- ارەكەتتەرمەن كۇرەس تۋرالى كونۆەنتسياعا 2005 -جىلعى حاتتامانى راتيفيكاتسيالاۋ تۋرالى» زاڭ جوباسى تالقىلاندى.

رومان سكلياردىڭ سوزىنە قاراعاندا، حاتتاما لاڭكەستىك دەپ تانىلاتىن ارەكەتتەردىڭ ءتىزىمىن كەڭەيتەدى. كەمەلەرگە شابۋىل جاسالعان جاعدايدا جەدەل ارەكەت ەتۋ مەن كومەك كورسەتۋ تەتىكتەرىن انىقتايدى.

«2005 -جىلعى حاتتاما ءبىز ءۇشىن وتە ماڭىزدى، قازاقستاننىڭ ساۋدا كەمەلەرى اشىق تەڭىزدەردەگى پورتتارعا دەيىنگى باعىتتاردى بەلسەندى تۇردە يگەرە باستادى. جالپى، بۇگىندە ەلىمىزدىڭ فلوتى قۇرامىنادا 300-دەن استام كەمە بار، ونىڭ ىشىندە 12- ءسى حالىقارالىق ساپارلارعا شىعادى. وتكەن جىلى وتاندىق كەمەلەر ەلەۋلى كولەمدە جۇكتەردى تاسىمالدادى»، - دەدى ر. سكليار.

وسى ورايدا بىلتىر اقتاۋ پورتىنان تۇركياعا قاجەتتى جۇكتەر جەتكىزىلگەن ەكەن.

ونىڭ سوزىنە قاراعاندا، سونىمەن قاتار قارا تەڭىزدە 2 تانكەر مۇناي تاسىمالىنا تارتىلعان. الداعى جىلدارى الىس ساپارلارعا شىعاتىن كەمەلەر سانى ارتادى دەگەن جوسپار بار. سايكەسىنشە، جۇك اينالىمى ارتىپ، بۇل سالاعا تارتىلعانداردىڭ تابىسى جوعارىلاماق.

«بيىلدان باستاپ 2022 -جىلعا دەيىن بالتىق تەڭىزىنەن اقتاۋ پورتىنا مۇناي- گاز جوبالارىنا جابدىقتاردى تاسىمالداۋ جوسپارلانىپ وتىر. ر ف تاراپىمەن بولعان ۋاعدالاستىق ارقاسىندا قازىرگى كەزدى ءبىزدىڭ كەمەلەر ءۇشىن رەسەيدىڭ ىشكى سۋ جولدارىندا جەڭىلدەتىلگەن ترانزيتتىك ءتارتىپ ەنگىزىلدى»، - دەدى ۆيتسە- مينيستر.

بەلگىلى بولعانداي، بۇگىندە 40-تان استام مەملەكەت قۇجاتتىڭ قاتىسۋشىسى بولىپ وتىر ءارى ولاردىڭ ىشىندە قارا تەڭىز بەن بالتىق تەڭىزى ماڭىنداعى بارلىق مەملەكەت بار. حاتتامانى راتيفيكاتسيالاۋ اشىق تەڭىزدە جۇزەتىن وتاندىق كەمەلەردىڭ قاۋىپسىزدىگىن قامتاماسىز ەتۋدىڭ قۇقىقتىق كەپىلدىكتەرىن كۇشەيتۋگە ىقپال ەتەدى.

 اۆتور: رۋسلان عابباسوۆ

سوڭعى جاڭالىقتار