گولوۆكين مەن دجەيكوبستىڭ رەۆانشى قاشان ءوتۋى مۇمكىن
28 -ساۋىردە دەنيەل نيۋ-يوركتە پولشالىق ماتسەي سۋلەتسكيمەن كەزدەسەدى. امەريكالىق بوكسشىنىڭ پروموۋتەرى ەگەر دجەيكوبس جەڭسە، GGG مەن ساۋل «كانەلو» الۆارەس اراسىنداعى رەۆانشتىڭ جەڭىمپازىمەن جۇدىرىق تۇيىستىرەتىن باستى ۇمىتكەرلەردىڭ ءبىرى بولاتىنىن ايتتى.
«ەگەر قازاقستاندىق بوكسشى 5 -مامىردا HBO PPV- دە «كانەلونى» جەڭسە، وسى جىلدىڭ اياعىنا قاراي ورتا سالماقتاعى بەلدىكتەردى بىرىكتىرۋ ءۇشىن WBO نۇسقاسى بويىنشا الەم چەمپيونى بيللي دجو سوندەرسپەن كەزدەسۋگە ۇمتىلادى. گولوۆكين جەڭگەن كۇننىڭ وزىندە ول 2019 -جىلدىڭ مامىرىندا الۆارەسپەن قايتا كەزدەسەتىن شىعار. وندا دجەيكوبس كەلەر جىلدىڭ ەكىنشى جارتىسىندا گولوۆكين كەزدەسۋ وتكىزەتىن بوكسشىلاردىڭ بىرىنە اينالادى. ەگەر گەننادي 5 -مامىردا جەڭىلىپ قالسا، دجەيكوبسپەن جۇدىرىقتاسپايتىن شىعار، ويتكەنى گولوۆكينگە ونىڭ قاجەتى جوق. ونىڭ ورنىنا گولوۆكين سوندەرستىڭ ىزىنە ءتۇسۋى نەمەسە الۆارەستى تاعى دا رينگكە شاقىرۋى مۇمكىن. ال ەندى دجەيكوبس سۋلەتسكيدەن جەڭىلەتىن بولسا، گولوۆكين نەمەسە «كانەلو» تۋرالى ۇمىتۋىنا تۋرا كەلەدى»، - دەپ جازدى ەمبروۋز.
