13:00, 19 - اقپان 2018 | GMT +6
جاس كەلىنشەك شاشىن بويايمىن دەپ ادام تانىماستاي كۇيگە ءتۇستى - فوتو
استانا. قازاقپارات - ءۇش بالانىڭ اناسى، 20 جاستاعى كەلىنشەك شاشىن بويايمىن دەپ ادام تانىماستاي كۇيگە ءتۇستى.
ونىڭ بەتى كۇيىپ، ءىسىپ كەتتى. كەلىنشەك ءوز ءتۇرى مەن كەيىنگى وزگەرىپ كەتكەن ءتۇرىنىڭ سۋرەتىن جەلىگە جاريالاپ، وزگە قىز- كەلىنشەكتەرگە شاش بوياۋدىڭ زيانىن ەسكەرتتى.
پىكىر قالدىرۋشىلار اراسىندا دا شاش بوياپ، اۋرۋحاناعا تۇسكەندەر بار بولىپ شىقتى.
«مەندە دە سونداي جاعداي بولدى. اۋرۋحانادا 7 كۇن جاتتىم. بەتىم مەن موينىم ءىسىپ، كوزىم كورمەي قالدى. كوزىمدى 4 كۇن ەمدەدىم»، - دەپ جازادى پىكىر بىلدىرۋشىلەر.
«مەن بەس كۇن كۇيىكتەن ەمدەلىپ، ءبىر اي كارديولوگيا بولىمىندە جاتتىم» دەيدى تاعى ءبىر زارداپ شەككەن جەلى قولدانۋشىسى.
