جۇرگىزۋشى تورموزى ىستەن شىققان كولىگىن توقتاتۋعا كومەك سۇراعان - كەسكىن
28 جاسار دجوزەف كۋپەر مەن جانە فلوريدا شتاتتارىن بايلانىستىرا وتىرىپ، سولتۇستىكتەن وڭتۇستىككە دەيىن ەلدىڭ بۇكىل اۋماعىن باسىپ وتەتىن I-95 اۆتوماگيسترالى بويىمەن ساعاتىنا 150 شاقىرىم جىلدامدىقپەن ءجۇرىپ وتكەن كەزدە گاز باسقىشى ىستەن شىققانىن مالىمدەگەن.
كولىكتى توقتاتۋ مۇمكىن ەمەس ەكەنىن تۇسىنگەن كۋپەر قۇتقارۋ قىزمەتىنە حابارلاسىپ، كومەك سۇراعان. ول تەلەفون ارقىلى ديسپەتچەرمەن اڭگىمەلەسىپ وتىرىپ، كولىكتى توقتاتۋدىڭ بىرنەشە تاسىلدەرىن بايقاپ كورگەن، الايدا ودان ەش ناتيجە شىقپاعان.
سودان كەيىن پوليتسيا قىزمەتكەرلەرى كولىكتىڭ جولىنا ەكى رەت تىكەنەكتى توسەمە تاستاپ، كولىكتى توقتاتۋعا ارەكەتتەنگەن. قاتتى جىلدامدىقپەن كەلە جاتقان BMW كولىگىنىڭ ەكى دوڭعالاعى جارىلىپ، جىلدامدىعىن ساعاتىنا 95 شاقىرىمعا دەيىن ازايتقان. ءۇشىنشى رەت تىكەنەكتى توسەمەنى پايدالانعاننان كەيىن عانا كولىك جىلامدىعىن باسەڭدەتىپ، تولىعىمەن توقتاعان. وسى ۋاقىت ارالىعىندا كۋپەر شوممەسەن 70 شاقىرىمدى ءجۇرىپ وتكەن. وقيعا سالدارىنان جاپا شەككەندەر جوق.
BMW كومپانياسى كولىك جۇرگىزۋشىسى سيپاتتاعان جايت شىندىققا جاناسپايدى دەپ مالىمدەدى. اۆتوكولىك شىعارۋشى كومپانيا كولىك ەدەنىنىڭ كونسترۋكسياسى مەن اۆتوموبيل كومپيۋتەرى گاز باسقىشتىڭ ىستەن شىعۋىنا جول بەرمەيدى. ەگەر ونداي جاعداي بولا قالعان كۇننىڭ وزىندە، ديسپەتچەر ۇسىنعان نۇسقالاردىڭ ءبىرى پروبلەمانى شەشۋگە كومەكتەسەتىن ەدى دەپ ەسەپتەيدى. كومپانيا پوليتسيا قىزمەتكەرلەرىنىڭ وقيعا سالدارىن تەرگەپ-تەكسەرۋ كەزىندە كومەك كورسەتەتىنىن مالىمدەدى.
دەرەككوزى: lenta.ru
