ولگەننەن كەيىن دە ادامنىڭ كەيبىر گەندەرى تىرشىلىگىن جالعاستىرادى

استانا. قازاقپارات - حالىقارالىق عالىمدار توبى ادام ولگەننەن كەيىن ونىڭ كەيبىر گەندەرى تىرشىلىك ەتۋىن جالعاستىراتىنىن انىقتادى.

بيولوگتار دونورلار قايتىس بولعاننان كەيىن 24 ساعات ىشىندە الىنعان تىندەرىنىڭ ۇلگىلەرىن تالداپ، تەكسەرگەن. ولار بەلسەندى گەندەردىڭ ءونىمى - ماتريتسالىق ر ن ق (م ر ن ق) نۋكلەوتيدتى تىزبەكتىلىگىن انىقتادى. الىنعان دەرەكتەردى ادام قايتىس بولعانعا دەيىن الىنعان قان ۇلگىلەرىن زەرتتەۋ ناتيجەلەرىمەن سالىستىرعان.

ناتيجەسىندە كەيبىر گەندەر تىرشىلىك ەتۋىن جالعاستىراتىنى، بۇل رەتتە ولاردىڭ بولىگى جۇرەك توقتاعاننان كەيىن بەلسەندىلىگىن ارتتىرعانى انىقتالدى. عالىمدار جاسۋشا قان اينالىمىنىڭ توقتاۋىمەن بايلانىستى وتتەگى جەتىسپەۋشىلىگىنە وسىلاي جاۋاپ قاتادى دەپ ەسەپتەيدى، الايدا قۇبىلىستىڭ ناقتى سەبەپتەرى ازىرشە بەلگىسىز كۇيىندە قالىپ وتىر.

ماماندار زەرتتەۋ ناتيجەلەرى ر ن ق دەڭگەيلەرى بويىنشا ادامنىڭ قايتىس بولعانىنان كەيىن نەشە ۋاقىت وتكەنىن انىقتاۋدىڭ جاڭا ءادىسىن ويلاپ تابۋعا مۇمكىن بولاتىنىنا سەنىم بىلدىرەدى. بۇل ءۇشىن جۇرەك توقتاعاننان كەيىن وتكەن ۋاقىتتىڭ ۇزاق ارالىعى قاراستىرىلاتىن، سونداي-اق ادامنىڭ جاسى مەن ءولىمىنىڭ سەبەپتەرى ەسكەرىلەتىن قوسىمشا زەرتتەۋ تاعايىندالۋى ءتيىس.

 

دەرەككوزى: http://www.segodnya.ua