10:10, 20 - اقپان 2018 | GMT +5
اتى الەمگە بەلگىلى سۋرەتشىنىڭ تۋىندىسىنان جاسىرىن بەينە تابىلدى
استانا. قازاقپارات - ءبىر توپ امەريكالىق زەرتتەۋشى جاڭا تەحنولوگيانى قولدانا وتىرىپ، پابلو پيكاسسونىڭ «جۇرەسىنەن وتىرعان قايىرشى» اتتى تۋىندىسىنىڭ استارىنان جاسىرۋلى بەينەنى تاپتى. بۇل تۋرالى حابار24 سايتى حابارلادى.
زەرتتەۋشىلەر رەنتگەنوفلۋورەستسەنت تالداۋىن جۇرگىزىپ، مايلى بوياۋمەن سالىنعان سۋرەتتىڭ قاتپارىنان بارسەلونا كورىنىسىن انىقتاعان. قولدانىلعان قۇرىلعى كوپكە قولجەتىمدى ءارى ىقشام. كەز كەلگەن گالەرەياعا اپارىپ، ساراپتاما جۇرگىزۋگە بولادى.
مامانداردىڭ ايتۋىنشا، الداعى ۋاقىتتا ونىڭ كومەگىمەن سۋرەتتەردىڭ قاي جىلى جانە قاي جەردە سالىنعانىن انىقتاۋ وڭايعا سوقپاق.
