وليمپيادا: بىزگە مىقتى باپكەر كەرەك - ەكاتەرينا ايدوۆا

پحەنچحان. قازاقپارات - وڭتۇستىك كورەيانىڭ پحەنچحان قالاسىندا ءوتىپ جاتقان 23- قىسقى ويىندارىندا كونكي سپورتىنان سىنعا تۇسكەن وتانداسىمىز ەكاتەرينا ايدوۆا جارىستان كەيىن ءوز ويىمەن ءبولىستى، دەپ حابارلايدى قازاقپارات ءتىلشىسى.

«جارىستى وزدەرىڭىز كوردىڭىزدەر. وسىندا كەلگەن سپورت باسشىلارى دا قاراپ وتىر. بىزگە جاپون، كورەيا ەلدەرىنىڭ سپورتشىلارىمەن تەڭ دارەجەدە ونەر كورسەتۋ ءۇشىن بىزگە مىقتى باپكەر كەرەك. ءبىز ءبىر ورىندا قالىپ قويدىق. ال وزگە ەلدەر العا كەتىپ بارادى. ەندى، وسىدان كەيىن، ەلگە بارعاندا سپورت باسشىلارى بىزگە ۇلكەن وزگەرىستەر جاساۋى مۇمكىن. نە بولسا دا مەن سپورتتى ارى قاراي جالعاستىرا بەرەمىن. وليمپيادادان كەيىن توقتاپ قالمايمىن. الدا كوپتەگەن جارىستار بار»، - دەپ اتاپ ءوتتى ايدوۆا.

ەستەرىڭىزگە سالا كەتەيىك، ول كەشە كونكي سپورتىنان 500 مەتر قاشىقتىقتا سىنعا ءتۇسىپ، جارىستى 21- ورىنمەن اياقتادى.