ەكى وبلىستا اۋا رايىنا قاتىستى ەسكەرتۋ جاريالاندى

استانا. قازاقپارات - قوستاناي جانە جامبىل وبلىستارىندا اۋا رايىنا قاتىستى ەسكەرتۋ جاريالاندى، دەپ حابارلايدى قازاقپارات قازگيدرومەتكە سىلتەمە جاساپ.

سينوپتيكتەردىڭ مالىمەتىنشە، 19 -اقپاندا قوستاناي وبلىسىنىڭ كەي جەرلەرىندە تاۋلىك بويى تۇمان كۇتىلەدى.

سونداي-اق، 19-20 اقپاندا جامبىل وبلىسىندا شىعىس باعىتتان جەل سوعادى، كەي جەرلەرىندە ونىڭ كۇشى 15-20 م/س- گە جەتەدى. وڭىردە 19 -اقپاندا كۇندىز، 20 -اقپاندا تاۋلىك بويى ەكپىنى 23-28 م/س جەل سوعادى.