ريددەرلىك جەڭىل اتلەت قازاقستاننىڭ جاڭا رەكوردىن ورناتتى
ايەلدەر اراسىنداعى 400 مەتر قاشىقتىققا جۇگىرۋ سايىسىندا ريددەرلىك ەلينا ميحينا ءوزىنىڭ قارسىلاسى سۆەتلانا گولەندوۆادان تەگەرانداعى ازيا چەمپيوناتىندا كەتكەن قارىمتاسىن قايتاردى. ەلينا وسكەمەندەگى جارىستا ءوزىنىڭ قارسىلاسىن جەڭىپ قانا قويماي، 52,53 سەكۋند كورسەتكىشىمەن قازاقستاننىڭ جاڭا رەكوردىن ورناتتى. ءبىر- بىرىنە دەس بەرمەي كەلە جاتقان قوس مىقتى باسەكەلەستىكتىڭ ارقاسىندا الەمدىك نورماتيۆتى ورىنداپ تاستادى.
سايىسقا قازاقستاننىڭ بارلىق وبلىستارىنان بولەك، قىرعىزستاننان دا جەڭىل اتلەتتەر كەلدى. ەكى كۇنگە سوزىلاتىن باسەكە بارىسىندا جەڭىل اتلەتيكانىڭ 16 باعىتى بويىنشا ۇزدىكتەر انىقتالاتىن بولادى.
«بۇل جارىس سپورتشىلاردىڭ تاجىريبە جيناقتاۋلارىنا ۇلكەن مۇمكىندىك. ق ر كۋبوگىن ءبىز ءۇش كەزەڭگە بولدىك، ءارقايسىسىندا قاتىسۋشىلار الەم چەمپيوناتىندا باق سىناۋعا جولداما يەلەنۋ ءۇشىن نورماتيۆتەر ورىنداي الادى» ، - دەدى جارىستىڭ باس تورەشىسى الەكساندر كرۋگلوۆ.
تۋرنير جەڭىمپازدارى 1-3 ناۋرىز ارالىعىندا انگليانىڭ بيرمينگەم قالاسىندا وتەتىن جابىق عيماراتتاعى الەم چەمپيوناتىنا قاتىسادى.
