استانالىق بويجەتكەن ايگىلى امەريكالىق بايقاۋدا جەڭىمپاز اتاندى

None
None
 استانا. قازاقپارات - استانادا ەملە بويىنشا Spelling Bee جىل سايىنعى ۇلتتىق بايقاۋى ءوز مارەسىنە جەتتى.

 بايقاۋدا استانالىق ستۋدەنت ارداك پوشايەۆا توپ جاردى، دەپ حابارلايدى قازاقستانداعى ا ق ش ەلشىلىگىنىڭ باسپا ءسوز قىزمەتىنە سىلتەمە جاساپ Stan.kz.

قازاقستاندىقتار ءۇشىن جاڭا بايقاۋ Spelling Bee امەريكالىق مادەنيەتتىڭ ءبىر بولىگى بولىپ تابىلادى. امەريكا وقۋشىلارى بۇل بايقاۋعا 90 جىل بويى قاتىسىپ كەلەدى. بايقاۋ ماقساتى - ساحنادا تۇرىپ جۇرگىزۋشى ايتقان ءسوزدىڭ ءار ءارپىن دۇرىس ايتىپ بەرۋ. ال اعىلشىن تىلىندەگى سوزدەردىڭ كوبىنىڭ ايتىلۋى مەن جازىلۋى بولەك بولعاندىقتان، ءدال وسى جاعداي قيىندىق تۋعىزادى.

«بايقاۋدى قازاقستانداعى ا ق ش ەلشىلىگى ۇيىمداستىردى. قازاقستاننىڭ ءار وڭىرىنەن 33 ستۋدەنت قاتىستى. استاناداعى نازاربايەۆ ۋنيۆەرسيتەتىنىڭ 4-كۋرس ستۋدەنتى ارداق پوشايەۆا جەڭىمپاز اتاندى. سونداي- اق، شىمكەنتتىك دينارا قۇراقبايەۆا، قارعاندىلىق مەرۋەرت سوۆەت، وسكەمەندىك البينا ەركىمبايەۆا جانە پەتروپاۆلدىق ۆيكتوريا يۆاشەنكو جۇلدەلى ورىندارعا يە بولدى» ، - دەپ جازىلعان حابارلامادا.

ا ق ش ەلشىسى دجوردج كرولدىڭ سوزىنشە، بايقاۋ قازاقستانداعى ءۇش ءتىلدى ءبىلم بەرۋ ساياساتىن قولداۋ ماقساتىندا ۇيىمداستىرىلعان.

«ءبىز بايقاۋ اياسىندا قازاقستانداعى دارىندى جاستاردىڭ جينالعانىنا قۋانىشتىمىز. ولار اعىلشىن تىلىندە سويلەۋ دەڭگەيلەرىن ارتتىرۋعا تىرىسۋدا» ، - دەيدى كرولل.

بايقاۋ ۇيىمداستىرۋشىلارىنىڭ مالىمەتىنشە، ەندىگى جەڭىمپازدار Spelling Bee بايقاۋىنىڭ ورتا ازيالىق كەزەڭىنە جول تارتادى. وندا قىرعىزستان، وزبەكستان جانە تاجىكستاننان كەلگەن قاتىسۋشىلارمەن باق سىناساتىن بولادى.

سوڭعى جاڭالىقتار