ەفيوپيادا توتەنشە جاعداي جاريالاندى
شەشىمدى بيلىك باسىنداعى «ەفيوپيا حالقىنىڭ ريەۆوليۋتسيالىق- دەموكراتيالىق مايدان» وداعى جاريالادى. ازىرگە ونىڭ قانشا ۋاقىتقا سوزىلاتىنى بەلگىسىز. ال ساياسي داعدارىسقا قاڭتار ايىنان بەرى تۇرمەدەگى ساياسي تۇتقىنداردى ازات ەتۋدى تالاپ ەتكەن ەرەۋىلدەر مەن شەرۋلەر سەبەپ بولدى. جىل باسىنان بەرى 6 مىڭ ادام بوستاندىققا جىبەرىلدى.
ال جالپى ۇكىمەتكە قارسى تولقۋلار 2015 -جىلدان بەرى جالعاسىپ كەلەدى. وعان بيلىكتىڭ ەل استاناسى ادديس- ابەبا اۋماعىن ورومو شارۋالارى جەرىنىڭ ەسەبىنەن ۇلعايتۋ جوسپارى تۇرتكى بولدى. كەيىن نارازىلىققا امحارا تايپاسىنىڭ وكىلدەرى قوسىلدى.
«پرەمەر- ءمينيستردىڭ كەي ماسەلەلەردى وزگەرتۋگە مۇمكىندىگى بولدى. ءبىراق بيلەۋشى پارتيانىڭ ىقپالى كۇشتى بولىپ، سوعان تاۋەلدى ەدى. سوندىقتان ونىڭ وتستاۆكاسى دۇرىس شەشىم دەپ ويلايمىن» ، - دەيدى ساياسي ساراپشى حاللەلۋيا لۋليە.
