توننالاپ زاڭسىز بەكىرە اۋلاعان براكونەرلەرگە ۇكىم شىعارىلدى

None
None
اتىراۋ. قازاقپارات - اتىراۋ قالاسىنىڭ №2 سوتى وتكەن جىلدىڭ قاراشاسىندا ءبىر توننادان استام بەكىرە بالىعىمەن قولعا تۇسكەن 4 براكونەرگە قاتىستى ۇكىم شىعاردى، دەپ حابارلايدى «قازاقپارات» ح ا ا ءتىلشىسى.

سوتتىڭ تەكسەرۋ ناتيجەلەرى كورسەتكەندەي، 2017 -جىلدىڭ قاراشاسىندا قۋاتتى شەتەلدىك قوزعالتقىشتارمەن جابدىقتالعان براكونەرلەردىڭ قوس قايىعى يساتاي اۋدانىنىڭ جامباي اۋىلىندا ۇستالعان بولاتىن. ولاردان سالماعى 1 توننا 110 كەلى بولاتىن 304 بەكىرە تۇقىمداس بالىق جانە اۋ تاركىلەندى. ءتورت قىلمىسكەر تۇتقىندالعان.

«سوت ۇكىمىمەن ايىپتالۋشىلار ق ر ق ك 335 بابىنىڭ 4 بولىگى بويىنشا كىنالى دەپ تانىلدى. سوت ولاردىڭ كىنالارىن مويىنداپ، جاساعان قىلمىستارىنا وكىنىش بىلدىرگەندەرىن ەسەپكە الا وتىرىپ، براكونەرلەردىڭ ءارقايسىسىن 2 جىلعا باس بوستاندىقتارىن شەكتەۋ جونىندە ۇكىم شىعاردى. ولار ءومىر بويىنا بالىق اۋلاۋمەن اينالىسۋ قۇقىعىنان ايىرىلدى. سونىمەن قاتار ۇكىمەت پايداسىنا بالىق پەن قايىق تاركىلەندى»، - دەپ حابارلادى سوتتىڭ باسپا ءسوز قىزمەتى.

سوڭعى جاڭالىقتار