پحەنچحاندا نوروۆيرۋس جۇقتىرعانداردىڭ بەستەن ءبىر بولىگى كارانتيندا قالادى

استانا. قازاقپارات - پحەنچحانداعى وليمپيادا ويىندارىندا نوروۆيرۋس جۇقتىرعانداردىڭ بەستەن ءبىر بولىگى كارانتيندە قالا بەرەدى، ناۋقاستاردىڭ سانى 45 ادام.

بۇل تۋرالى ويىنداردى ۇيىمداستىرۋ كوميتەتىنىڭ وكىلى سون پەك يۋ ءمالىم ەتتى، دەپ حابارلايدى تاسس.

اۋرۋ جۇقتىرعانداردىڭ اراسىندا شۆەيساريالىق ەكى فريستايلشى بار. ونىڭ بىرەۋى 2015 -جىلعى الەم چەمپيونى فابيان بوش. ەكىنشى شاڭعىشىنىڭ ەسىمى ازىرگە بەلگىسىز، سەبەبى ونىڭ جاقىندارىنا سپورتشىنىڭ نوروۆيرۋس جۇقتىرعانى تۋرالى ءالى ايتىلماعان.

جۇما كۇنى وليمپيادا ويىندارىندا اتالمىش ينفەكسيانى جۇقتىرعانداردىڭ سانى 244 ادامعا دەيىن ۇلعايعان.

«بۇگىن ناۋقاستاردىڭ سانى 17 ادامعا كوبەيدى. نوروۆيرۋستەن بارلىعى 261 ادام زارداپ شەكتى، 216 ادام ساۋىعىپ شىقتى»، - دەدى سون پەك يۋ.

بۇعان دەيىن ۇيىمنىڭ قاۋىپسىزدىك قىزمەتىندەگى 1200 ادامعا ۆيرۋسقا بايلانىستى قىزمەتتەرىنەن شەتتەتىلگەن. ولاردىڭ ورنىنا 900 سارباز اكەلىنگەن.