قازاقستانعا جازدا الەمدىك جۇلدىزدار كەلەدى - مۇحامەدي ۇلى

None
None
 استانا. قازاقپارات - مادەنيەت جانە سپورت ءمينيسترى ارىستانبەك مۇحامەدي ۇلى ق ر پرەزيدەنتى جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ كەزەكتى وتىرىسىندا ەلىمىزگە الەمدىك ونەر كەڭىستىگىندە جۇرگەن اتاقتى جۇلددىزداردى اكەلۋگە ۋادە بەردى.

«بي- بي- سي» تەلەارناسىنىڭ قاتىسۋىمەن كۇلتەگىن تاريحي دەرەكتى فيلمى، امەريكالىق «Castle Film» كينوكومپانياسىمەن «جاڭا كوزقاراس» ، «كوشپەندىلەر جەرى» فيلمدەرى دايىندالدى. بارلىق فيلم ب ۇ ۇ- نىڭ التى تىلىنە اۋدارىلعان سۋبتيترمەن شىعاتىن بولادى. سونىمەن قاتار 700 ميللوننان استام اۋديتورياسى بار «Discovery» ، «Viasat History» ، «National Geographic» تەلەارنالارىندا كورسەتىلەدى» ، - دەدى ول.

مينيستر ش ق و اكىمى دانيال احمەتوۆتىڭ شىعىس قازاقستاننىڭ قاسيەتتى ورىندارىمەن تانىستىرۋ ماقساتىندا ءبىرقاتار الەمدىك جۇلدىزداردى شاقىرعانىن اتاپ ءوتىپ، ءوزى دە جازدا الەمدىك ونەر كەڭىستىگىندەگى اتاقتى جۇلدىزداردى شاقىرۋعا ۋادە بەردى.

ۆەدومستۆا باسشىسى سولتۇستىك، باتىس ءوڭىرى مەن استانا قالاسىنىڭ مادەني- تۋريستىك كلاستەرىن دامىتۋ ماقساتىندا «بوزوق» ، «بوداي» ، «سارايشىق» اتتى ءۇش رەسپۋبليكالىق مۋزەي- قورىقتارىن قۇرۋ جۇمىستارى جۇرگىزىلەتىنىن ايتتى.

«مۋزەي- قورىقتى قۇرۋ ول كەلەشەك ۇرپاققا ارناپ مادەني ەسكەرتكىشتەردى ساقتاۋعا، تۋريستەردى تارتۋعا، عىلىمي- زەرتتەۋ جۇمىستارىنا جاعداي جاساۋعا مۇمكىندىك بەرەدى» ، - دەدى ارىستانبەك مۇحامەدي ۇلى.

ونىڭ ايتۋىنشا، 2017 -جىلى رەسپۋبليكالىق ماڭىزى بار 25 مادەني جانە تاريحي ەسكەرتكىشتى عىلىمي- رەستاۆراتسيالاۋ جۇمىستارى اياقتالدى.

 

سوڭعى جاڭالىقتار