قىتايدىڭ ەڭ تانىمال مەرەكەلىك كونسەرتىندە ابايدىڭ قارا سوزدەرى وقىلدى - كەسكىن
قىتايعا تانىمال تەاتر جانە كينو اكتەرى، ساتيريك فىڭ گۇڭنىڭ اۆتورلىعىمەن دايىندالعان «جانىم جىرعا جاقىن» قويىلىمىندا ولەڭ ايتۋدان باسەكەلەسكەن ەكى اكتەردىڭ ءبىرى اباي قۇنانبايەۆتىڭ 37- قارا سوزىنەن ءۇزىندىنى كەتىردى. ول:
«دۇنيە - ۇلكەن كول،
زامان - سوققان جەل.
الدىڭعى تولقىن - اعالار،
ارتقى تولقىن - ىنىلەر،
كەزەكپەنەن ولىنەر،
باياعىداي كورىنەر» دەگەن جولداردى قىتاي تىلىندە وقىپ، قارسىلاسىنىڭ تالابى بويىنشا قازاق تىلىندە دە وقىپ بەردى.
ايتا كەتەيىك، ءدۇبىرلى مەرەكەلىك كەشكە قىتايدىڭ ەڭ تانىمال ونەر ادامدارىمەن بىرگە، قازاقستاندىق ءانشى ديماش قۇدايبەرگەن دە ارنايى قاتىسىپ، ونەر كورسەتتى.
«كوكتەم مەرەكەسى ساۋىق كەشى» 1983 -جىلدان بەرى جىل سايىن قىتايدىڭ جاڭا جىل مەرەكەسى كۇنى CCTV تەلەارناسىندا تىكەلەي ەفيردەن كورسەتىلىپ كەلەدى. 2012 -جىلى مەرەكەلىك كەش ەڭ كوپ كورەرمەندەر كورگەن كونسەرت رەتىندە گيننەستىڭ رەكوردتار كىتابىنا ەنىپ، 2016 -جىلى الەمدە بۇل كونتسەرتتى 1 ميللياردتان استام ادام تاماشالاعان بولاتىن.
