تانىمال فوتوگرافقا كوكتوبەنى سۋرەتكە تۇسىرۋگە تىيىم سالدى
الايدا 35 مىڭ تەڭگە تولەسە، سۋرەتكە تۇسىرۋگە رۇقسات بار ەكەنىن دە جەتكىزدى.
«بۇگىن كوكتوبەگە شىعىپ، بىرنەشە سۋرەت تۇسىرگىم كەلدى. ءبىراق مەنى كۇزەتشىلەر توقتاتىپ، بۇدان بىلاي سۋرەتكە تۇسىرۋگە بولمايتىنىن ايتتى. الەم تەررورلاردان زارداپ شەگۋدە. سوندىقتان سۋرەت تەررورلاردىڭ قولىنا ءتۇسىپ قالۋى مۇمكىن ەكەنىن ايتتى. ءبىراق 35 مىڭ تەڭگە، تولەسە ەشقانداي قارسىلىق بولمايدى ەكەن. سوندا 35 مىڭ تەڭگە سۋرەتتىڭ لاڭكەستەردىڭ كوزىنە تۇسپەۋىنە كەپىل بولا ما؟»، - دەپ جازدى فوتوگراف جەلىدە.
وعان 35 مىڭ تەڭگە تولەۋى ءتيىس دەگەن جازۋى بار قاعازدىڭ كوشىرمەسىن كورسەتكەن. كۇزەتشىلەر فوتوگرافقا اڭگىمەنى تاسپاعا جازىپ الۋعا جانە كوشىرمە قاعازىن سۋرەتكە تۇسىرۋگە رۇقسات ەتپەگەن.
Sputnik ءتىلشىسى كوكتوبە اكىمشىلىگىنەن وسى جايتتىڭ ءمان-جايىن انىقتاپ ءبىلدى.
«ەگەر ءبىزدىڭ فوتواپپاراتپەن سۋرەتكە تۇسىرەتىن بولساڭىزدار نەمەسە فوتو ءتۇسىرىلىم جاسايتىن بولساڭىزدار اقىسىن تولەيسىزدەر. ال، قالانى سۋرەتكە تۇسىرسەڭىزدەر جانە ءوز فوتواپپاراتتارىڭىزدى پايدالانساڭىزدار تەگىن بولادى»، - دەدى كوكتوبە اكىمشىلىگىنىڭ رەسمي وكىلى.
