قازاقستاننىڭ كيەلى جەرلەر ءتىزىمى قانداي ولشەمدەر نەگىزىندە جاسالدى
دەپ حابارلايدى قازاقپارات.
«قازاقستاندا كيەلى جەرلەردىڭ كوپ ەكەندىگى بارشاڭىزعا بەلگىلى. بۇل كيەلى جەرلەردىڭ تىزىمىنە ولاردىڭ بارلىعىن قوسپاي مەملەكەت پەن ۇلتتىڭ تاريحىندا ۇلكەن ءرول اتقارعان، حالىقتىڭ ساناسىندا قالعان جانە ءجيى باراتىن، حالىقتىڭ الەۋمەتتىك- ساياسي ومىرىندە ماڭىزدى ورىن الاتىن كيەلى جەرلەردى عانا قوستىق. نەگىزىنەن كيەلى جەرلەرى مىناداي ولشەمدەر نەگىزىندە جاسالدى: تابيعي لاندشافتى نىساندار، ارحەولوگيالىق جانە ساۋلەت ەسكەرتكىشتەرى، عيبادات ورىندارى سانالاتىن ءدىني نىساندار، تاريحي تۇلعالارمەن، ساياسي وقيعالارمەن بايلانىستى كيەلى ورىندار»، - دەدى مينيستر.
ونىڭ ايتۋىنشا، كيەلى جەرلەردى ىرىكتەۋ، تىزىمگە الۋ جۇيەلەۋ جۇمىستارى ەلىمىزدە تۇڭعىش رەت قولعا الىنىپ وتىر.
«وسىعان بايلانىستى ولاردى تىزىمگە الۋ ماسەلەسىندە ءبىرشاما قيىندىقتار بولدى. سوندىقتان ەلباسى نۇرسۇلتان نازاربايەۆتىڭ كيەلى جەرلەردى تۇگەندەۋگە قاتىستى ەسكەرتۋلەرى نازارعا الىنىپ، الداعى ۋاقىتتا بۇل باعىتتاعى جۇمىستارىمىزدى جەتىلدىرە تۇسەتىن بولامىز»، - دەدى ول.
سونىمەن قاتار مينيستر سوڭعى 7 ايدا اتقارىلعان جۇمىستارعا توقتالدى.
«كيەلى نىسانداردى ىرىكتەۋ جانە تىزىمگە الۋ بويىنشا مەتوديكالىق ۇسىنىستار ازىرلەنىپ، وڭىرلەرگە جولداندى، ءاربىر وڭىردە كيەلى جەرلەردى انىقتاۋ بويىنشا جۇمىس توپتارى قۇرىلدى. قازاقستاننىڭ بارلىق وڭىرىندەگى كيەلى جەرلەرگە ەتنو- مادەني ەكسپەديتسيالار ۇيىمداستىرىلدى. كيەلى جەرلەردىڭ كوپفۋنكتسيونالدى- ۆيرتۋالدى كارتاسى جاسالدى. وسىنداي تاريحي- مادەني مۇرامىزدى اۋقىمدى جۇيەلەۋدىڭ ناتيجەسىندە جالپى حالىقتىق ماڭىزى بار 100 كەشەننىڭ جانە وڭىرلىك ماڭىزى بار 456 نىساننىڭ ءتىزىمى قالىپتاستىرىلدى. نىسانداردى تىزىمگە الۋ جۇمىستارى ودان ارى جالعاساتىن بولادى»، - دەدى ارىستانبەك مۇحامەدي ۇلى.
اۆتور: مارلان جيەمباي
