قازاقستاندىق سەريالدارعا ءۇش مەملەكەت قىزىعۋشىلىق تانىتىپ وتىر

استانا. قازاقپارات - قازاقستاندا تۇسىرىلگەن سەريالداردى كورسەتۋ قۇقىعىنا رەسەي، قىتاي، قىرعىزستان مەن باسقا مەملەكەتتەر قىزىعۋشىلىق تانىتتى.

بۇل تۋرالى ق ر اقپارات جانە كوممۋنيكاتسيالار مينيسترلىگىنىڭ كەڭەيتىلگەن القا ماجىلىسىندە ق ر اقپارات جانە كوممۋنيكاتسيالار ءمينيسترى داۋرەن ابايەۆ ءمالىم ەتتى، دەپ حابارلايدى «قازاقپارات» ح ا ا ءتىلشىسى.

ءمينيستردىڭ ايتۋىنشا، بىلتىر وتكەن «Astana Media week»  حالىقارالىق مەديا- اپتاسىنا رەسپۋبليكالىق جانە ايماقتىق 25 ارنا مەن جۇزگە جۋىق پروداكشن- كومپانيالار قاتىسقان.

«بۇل شارا ءوز ناتيجەسىن بەردى. تەلەباعدارلامالار، رەاليتي- شوۋ، مۋلتفيلم، كوركەم جانە دەرەكتى فيلمدەردى تاماشالاپ، ولاردى دەمەۋ ماقساتىنداعى ءتيىمدى كەلىسىمدەرگە قول جەتكىزىلدى. تەلەۆيزيالىق ءونىم تۋرالى ايتار بولساق، مەملەكەتتىك تاپسىرىس اياسىندا وتكەن جىلى 40 سەريال ءتۇسىرىلدى. ولاردىڭ ون ەكىسىن كوممەرتسيالىق ارنالار جۇزەگە اسىردى. بۇل قازاقستان ءۇشىن ۇلكەن جەتىستىك دەپ ايتۋعا نەگىز بار»، - دەدى مينيستر.

داۋرەن ابايەۆ 2016 -جىلمەن سالىستىرعاندا 2017 -جىلى تۇسىرىلگەن سەريالداردىڭ تولىق حرونومەتراجى ەكى جارىم مىڭ ساعاتقا ارتىق بولعانىن اتاپ ءوتتى.

اۆتور: ايان بەكەن ۇلى