داۋرەن ابايەۆ: شەتتەگى قازاقتارعا ەلىمىزدە شىعاتىن باسپا ءسوز جەتكىزىلۋى كەرەك
دەپ حابارلايدى «قازاقپارات» ح ا ا ءتىلشىسى.
«تەلەونىمدەرىمىزدى تۇتىنۋشىلاردىڭ دەنى شەت ەلدەردە تۇرادى. ءبىز وزگە مەملەكەتتە مەكەندەيتىن قانداستارىمىزدىڭ اۋديتورياسىن ءاردايىم ەستەن شىعارماۋىمىز كەرەك. بۇل تۋرالى مەملەكەت باسشىسى دا بىرنەشە رەت ايتقان بولاتىن»، - دەيدى ق ر اقپارات جانە كوممۋنيكاتسيالار مينيسترلىگىنىڭ كەڭەيتىلگەن القا ماجىلىسىندە داۋرەن ابايەۆ.
ءمينيستردىڭ ايتۋىنشا، كورشى مەملەكەتتەردەگى شاعىن عانا اۋماقتى مەكەندەپ وتىرعان قازاقتاردىڭ وزىنە ءبىزدىڭ ەلدە شىعاتىن باسپا ءسوز جەتۋى قاجەت.
«مەملەكەتتىك ارنالار كورسەتىلۋى ءتيىس. جىلدىڭ اياعىنا دەيىن وسى سالاعا جاۋاپتى ۆيتسە- مينيسترگە مەملەكەتتىك ارنالارمەن، باسپا سوزبەن بىرىگىپ ءتيىستى ماسەلەنى شەشۋدى تاپسىرامىن»، - دەدى ول.
داۋرەن ابايەۆ بۇل باعىتتا «GalamTV» ينتەرنەت- تەلەارناسىن جاڭارتۋ ارقىلى وڭ قادام جاسالعانىن تىلگە تيەك ەتتى.
«ياعني، قازاقستاندىق ارنالاردى ءوزىمىزدىڭ ەلدە دە، شەت مەملەكەتتە دە جوعارى ساپامەن كورسەتۋ ءۇشىن قاجەتتى تەحنيكالىق جۇمىستى ءساتتى اياقتادىق. سونىمەن قاتار، بۇل جوبانى موبيلدى قوسىمشا ارقىلى دا كورۋگە مۇمكىندىك بار»، - دەدى داۋرەن ابايەۆ.
اۆتور: ايان بەكەن ۇلى
