الماتى وبلىسىندا جۇمىسسىزدار تەگىن بىلىممەن قاتار شاكىرتاقى الادى

None
None
تالدىقورعان. قازاقپارات - الماتى وبلىسىنىڭ تەكەلى قالاسىندا جۇمىسسىزداردى تىگىن ىسىنە تەگىن وقىتاتىن وقۋ ورتالىعى اشىلدى. ازاماتتار تەگىن بىلىممەن قاتار، مەملەكەتتىك شاكىرتاقى دا الاتىن بولادى،

  دەپ حابارلايدى قازاقپارات ءتىلشىسى.

 وقۋ ورتالىعى 2017-2021 -جىلدارعا ارنالعان «ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسى اياسىندا اشىلعان. ماقسات - جۇمىسسىزداردى قىسقا مەرزىم ىشىندە وقىتىپ، ءىسىن دوڭگەلەتۋگە مۇمكىندىك بەرۋ.

«تەكەلى بارىس» كاسىپورنىنىڭ باسشىسى ايگەرىم ساكەن قىزىنىڭ ايتۋىنشا، قازىرگى تاڭدا 30 ادام ورتالىقتا جاڭا ماماندىق الۋعا نيەت ءبىلدىرىپ وتىر.

«وقۋ ورتالىعىندا ساباقتار مەن تاجىريبەلىك وقۋلار وتكىزۋگە ارنالعان بولمەلەر بار. 13 تىگىن ماشيناسىن، قاجەتتى ماتالار مەن ماتەريالداردى ساتىپ الدىق. وقۋشىلار ءبىلىم الۋمەن بىرگە تاپسىرىس الىپ، ونى ورىنداپ وتىرادى. كۋرستىڭ سوڭىنا قاراي قاتىسۋشىلاردىڭ كەيبىرىن كومپانيامىزعا جۇمىسقا الساق دەگەن نيەتتەمىز»، - دەيدى كاسىپكەر.

«تەكەلى بارىس» ج ش س وقۋ ورتالىعى تەكەلىدە كاسىپورىن بازاسىندا اشىلىپ، وڭىرلىك كاسىپكەرلەر پالاتاسى جانىنداعى وقۋ ورتالىقتارىنىڭ رەەسترىنە ەنگەن العاشقى مەكەمە. كاسىپكەرلەر پالاتاسىنىڭ تەكەلى قالالىق فيليالىنىڭ ديرەكتورى تۇرىسبەك ءجۇمادىلوۆتىڭ سوزىنشە، الداعى ۋاقىتتا تەكەلى تاۋ- كەن وڭدەۋ كەشەنىندە دە وقۋ ورتالىعىن اشۋ جوسپارلانعان. وندا مەتاللۋرگيا سالاسىنا قاجەتتى مامانداردى دايىندايتىن بولادى.

ايتا كەتۋ كەرەك، بيىل الماتى وبلىسىندا «ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسى اياسىندا قىسقامەرزىمدى ءبىلىم كۋرسى ارقىلى 500 ادامدى جاڭا ماماندىققا وقىتۋ جوسپارلانىپ وتىر.

اۆتور: سامال قابىشيەۆا

سوڭعى جاڭالىقتار