قازاقستاندا پوليتسيا قاتارىنداعى ۇزدىك ارۋ تاڭدالىپ جاتىر
ىشكى ىستەر ورگاندارىنىڭ مەديا ورتالىعى حالىقارالىق ايەلدەر كۇنى قارساڭىندا «پوليتسيا ارۋى» فوتو- بايقاۋىن وتكىزۋدى داستۇرگە اينالدىرعان. بۇل بايقاۋعا ەلىمىزدىڭ ءار وڭىرىندە پوليتسيا قاتارىندا قىزمەت اتقارىپ جاتقان ارۋلار قاتىسادى.
«بايقاۋدىڭ باستى ەرەكشەلىگى - تەك قاتىسۋشىلاردىڭ سىرتقى ءتۇرىن باعالاۋ ەمەس، سونىمەن بىرگە پوگون تاققان ايەلدەردىڭ ىشكى الەمىن، ولاردىڭ كاسىبي بىلىكتىلىگى جانە جاۋاپكەرشىلىگىن دە جان- جاقتى ساراپقا سالۋ. مۇنداي بايقاۋلار پوليتسەي- ارۋلاردىڭ جاڭا قىرىنان تانىلۋىنا مۇمكىندىك بەرەدى»، - دەيدى ءى ءى م مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ.
سونداي- اق، بايقاۋ قىزمەتتىك بورىشىن ادال اتقارىپ جۇرگەن پوليتسيا قىزمەتكەرلەرىنىڭ بەدەلى مەن مارتەبەسىن ارتۋىنا، سونىمەن بىرگە وتباسىلىق قۇندىلىقتاردىڭ نىعايۋىنا ىقپال ەتەدى.
ۇمىتكەر پوليتسەيلەردى مەديا ورتالىقتىڭ سايتىندا جانە ينستاگرامداعى اككاۋنتىندا داۋىس بەرۋگە بولادى. ناتيجەسىندە 6 ۇمىتكەر تاڭدالادى. سولاردىڭ ىشىنەن رەداكسيالىق كەڭەستىڭ شەشىمى بويىنشا «پوليتسيا ارۋى» انىقتالادى. جەڭىمپازدى 8 - ناۋرىز قارساڭىندا ق ر ىشكى ىستەر مينيستر ارنايى قۇتتىقتايدى.
