و ا ر پرەزيدەنتى ءوز ەركىمەن وتستاۆكاعا كەتەتىنىن مالىمدەدى

استانا. قازاقپارات - و ا ر پرەزيدەنتى دجەيكوب زۋما مەملەكەت باسشىسى وكىلەتتىگىن مەرزىمىنەن بۇرىن اياقتاماق، دەپ حابارلايدى «قازاقپارات» ح ا ا ت ا س س- قا سىلتەمە جاساپ.

 ول مۇنداي مالىمدەمەنى سارسەنبى كۇنى كەشكىسىن «افريكا ۇلتتىق كونگرەسى» (ا ۇ ك) باسقارۋشى پارتياسىنىڭ «بۇلاي بولماعان جاعدايدا بەيسەنبىدە سەنىم تۋرالى ماسەلە بويىنشا داۋىس بەرۋ كەزىندە وپپوزيتسيانى قولدايتىنىن» حابارلاۋىنان كەيىن جاسادى.

«مەن رەسپۋبليكا پرەزيدەنتى قىزمەتىنەن وتستاۆكاعا كەتۋ تۋرالى شەشىم قابىلدادىم. ۇيىم باسشىلىعىنىڭ شەشىمىنە كەلىسپەۋىمە قاراماستان، مەن ا ۇ ك- نىڭ ءتارتىپتى مۇشەسى بولدىم»، - دەدى زۋما.

سونداي- اق، ول سەنىمسىزدىك ۆوتۋمىنان دا، يمپيچمەنتتەن دە قورىقپايتىنىن جانە بۇل پروتسەدۋرالاردىڭ ءوز كوشباسشىلارىنىڭ وكىلەتتىگىن توقتاتۋدا ازاماتتاردىڭ قولداناتىن زاڭدى تەتىگى ەكەندىگىن اتاپ ءوتتى.

**
وڭتۇستىك افريكا رەسپۋبليكاسى (قىسقاشا و ا ر) - افريكا كونتينەنتىنىڭ وڭتۇستىك جارتىسىنداعى مەملەكەت. و ا ر افريكانىڭ كوپ ۇلتى مەملەكەتتەردىڭ قاتارىندا. و ا ر دامىعان يندۋستريالى- اگرارلى ەل. جان باسىنا شاققانداعى جىلدىق تابىس مولشەرى 10571 ا ق ش دوللارى (2012 ج. ) شاماسىندا.