قازاقستاندا قاعازباستىلىقتان قۇتقاراتىن سەرۆيس ىسكە قوسىلدى

استانا. قازاقپارات - ەلىمىزدە قاعازباستىلىقتان قۇتقاراتىن «انىقتاماسىز قىزمەت» سەرۆيسى ىسكە قوسىلدى. ەندى ازاماتتار مەملەكەتتىك ورگاندارعا مەكەنجاي انىقتاماسىن، سونداي- اق جىلجىمايتىن مۇلىككە تىركەلگەن قۇقىقتار جانە جىلجىمايتىن مۇلىكتىڭ بار- جوعى تۋرالى انىقتامالاردى اپارۋعا مىندەتتى ەمەس.

 بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسى» ا ق باسپا ءسوز قىزمەتى حابارلايدى. حابارلامادا كەلتىرىلگەن دەرەككە سۇيەنسەك، ق ر پرەمەر- ءمينيسترىنىڭ ورىنباسارى اسقار جۇماعاليەۆتىڭ تاپسىرماسىمەن ەلەكتروندىق ۇكىمەت پورتالىندا «انىقتاماسىز قىزمەت» - «Paper free» سەرۆيسى ىسكە قوسىلعان. جاڭا پيلوتتىق جوباعا سايكەس SMS- حابارلاما ارقىلى قىزمەت الۋشىنىڭ رۇقساتى راستالعان جاعدايدا ءۇشىنشى تۇلعالارعا اقپاراتتىق انىقتامالار ۇسىنۋعا مۇمكىندىك بەرەدى.

«بيىل 25 - قاڭتاردان 5 - اقپانعا دەيىن حالىققا قىزمەت كورسەتۋ ورتالىقتارى ارقىلى 312 مىڭ ەلەكتروندىق انىقتاما بەرىلدى. بۇل ورايدا ءبىز ساۋالناما جۇرگىزىپ، انىقتامالاردىڭ 45 پايىزىن ازاماتتار كوممۋنالدىق قىزمەتتەر مەن ءبىلىم بەرۋ مەكەمەلەرىنە تاپسىرۋ ماقساتىندا العانىن انىقتادىق»، - دەيدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ءتوراعاسى ابىلايحان وسپانوۆ.

مىسالى، جىل سايىن جاڭا وقۋ جىلى قارساڭىندا مەكتەپتەر وقۋشىلاردان مەكەنجاي انىقتاماسىن سۇراتادى، ناتيجەسىندە ميلليونداعان اتا- انا ح ق ك و- عا اعىلادى. ەگەر «Paper free» سەرۆيسى ەنگىزىلسە، وقۋ ورىندارى ەلەكتروندىق ۇكىمەت پورتالىنان قاجەتتى قۇجاتتى سۇراتا الادى، ال قىزمەت الۋشى، ياعني اتا- انا SMS- حابارلاما ارقىلى ەلەكتروندىق انىقتاما الۋعا ءبىر رەتتىك رۇقسات بەرگەنىن راستاپ، فرونت- وفيسكە بارۋ مىندەتىنەن قۇتىلادى.

«بۇل سەرۆيستى قولدانۋ ءۇشىن موبيلدى ازاماتتار بازاسىنا تىركەلۋ قاجەت. «انىقتاماسىز قىزمەت» مەحانيزمىنە سايكەس، مۇددەلى تۇلعا ەلەكتروندىق ۇكىمەت پورتالىندا اۆتوريزاتسيادان ءوتۋى ءتيىس. سوسىن «ءۇشىنشى تۇلعالاردىڭ انىقتاما الۋى سەرۆيسى» ءبولىمىن تاڭداپ، قاي ازامات تۋرالى مالىمەت العىسى كەلەدى، سونىڭ جەكە سايكەستەندىرۋ ءنومىرىن جازۋى ءتيىس. ەگەر ازامات موبيلدى ازاماتتار بازاسىندا تىركەلگەن بولسا، مۇددەلى تۇلعا انىقتاما ءتۇرىن تاڭداپ، ءوزىنىڭ ەلەكتروندىق- تسيفرلىق قولتاڭباسىمەن قول قويادى. سول ساتتە پورتال اۆتوماتتى تۇردە ازاماتقا SMS- حابارلاما جولداپ، ءۇشىنشى تۇلعاعا مالىمەت بەرۋ/بەرمەۋ جونىندە شەشىم قابىلداۋدى سۇرايدى. ازامات ەكى ساعاتتىڭ ىشىندە جاۋاپ بەرۋى ءتيىس»، دەلىنگەن حابارلامادا.

«سيفرلىق قازاقستان» باعدارلاماسى اياسىندا ىسكە قوسىلعان «Paper free» ناتيجەسىندە قاعاز جۇزىندەگى انىقتامالار سانى 24 ميلليونعا دەيىن كەمىپ، حالىققا قىزمەت كورسەتۋ ورتالىقتارىنا كەلۋشىلەردىڭ قاتارى دا ازايادى.