جۋرناليستەر اراسىندا بايقاۋ جاريالاندى
كونكۋرسقا جۋرناليست قاۋىمنىڭ «جاسىل تەحنولوگيالار» تاقىرىبىنداعى جۇمىستارى قابىلدانادى.
كواليتسيا باسپا ءسوز حاتشىسى مەرۋەرت ابداليەۆانىڭ مالىمەتىنشە، بايقاۋ 4 نوميناتسيا بويىنشا وتەدى: «ۇزدىك تەلە- راديوسيۋجەت» ؛ «ۇزدىك تۆ جانە راديوباعدارلاما» ؛ «گازەتتە جاريالانعان ۇزدىك ماقالا» ؛ «ينتەرنەت رەسۋرستاردا جاريالانعان ۇزدىك ماتەريال» .
«كونكۋرسقا 2017 -جىلعى ءساۋىر - 2018 -جىلعى ماۋسىم ارالىعىندا جاريالانعان جۇمىستار قابىلدانادى. بايقاۋعا قازاق جانە ورىس ءتىلدى جۋرناليستەر قاتىسا الادى. ماتەريالداردى «جاسىل» ەكونوميكانى قولداۋ جانە G- Global-دى دامىتۋ كواليتسياسىنىڭ» باسپا ءسوز قىزمەتىنە جىبەرۋگە بولادى. جۇلدە قورى ءالى انىقتالۋ ۇستىندە، جۇلدە بەكىتىلگەننەن كەيىن قوسىمشا حابارلايمىز» ، - دەدى مەرۋەرت ابداليەۆا باق وكىلدەرىنە ارنالعان «جاسىل ءدامحانا» شاراسىندا.
«جاسىل» ەكونوميكانى قولداۋ جانە G- Global-دى دامىتۋ كواليتسياسى» ز ت ب باسقارما ءتورايىمى سالتانات راقىمبەكوۆا بيىلعى كونكۋرستىڭ قورىتىندىسى استانا كۇنىنە قاراي شىعارىلاتىنىن ايتتى.
«بيىل ءبىز استانانىڭ 20 -جىلدىعىنا وراي «جاسىل» ونكۇندىك وتكىزەمىز. 28 - ماۋسىم - 6 - شىلدە ارالىعىنداعى ونكۇندىك اياسىندا 20 دان استام شارا ۇيىمداستىرامىز. وسى كۇندەرى «جاسىل» ەكونوميكا كوشباسشىلارىنىڭ Ⅱفورۋمى وتەدى. اتالعان فورۋمدا «جاسىل باسپا ءسوز» بايقاۋىنىڭ قورىتىندىسىن شىعارىپ، جەڭىمپازداردى ماراپاتتايمىز» ، - دەدى سالتانات راقىمبەكوۆا.
Baq.kz
